【收市閒情】林鄭推「十大措施」 結論只有一個(千頌C)

更新時間 (HKT): 2020.01.14 20:33

反修例運動,已歷時7個月,林鄭政府收集各方意見,經深切反省後,終於喺今日,推出十大紓民困、利民生措施!然後望一望清單,你會發現一個事實,原來林鄭短短兩年,已經「解決」好多問題!

睇嚟,今日公共資源分配問題已經解決了!YEAH!

睇嚟,60歲人士,已經冇中年危機啦!因為佢哋已經再由中年,變返做長者啦!

睇嚟,今次業主就唔會受惠啦!因為係派現金津貼,唔係租金津貼!

睇嚟,而家將勞工假、銀行假睇齊,已經冇難度啦!

睇嚟,而家推行租務管制,就唔會適得其反啦!YEAH!

事實上,今日林鄭推出所謂「十大措施」,全部都係各大小團體,講咗唔知幾耐,而林鄭亦藉詞推搪N次。直至今日,香港人抗爭足足七個月,流咗幾多血,拉咗幾多人,先至令佢打倒昨日的我,推十項要求多時的小恩小惠。事實再一次證明,「是你告訴我們和平示威是沒有用。」

關心你飯碗,貼近你生活,即Like「蘋果ATM」FB專頁!
BannerBanner