【武漢肺炎】2.3萬領隊導遊冇工開 工會主席嘆:有領隊去洗碗

更新時間 (HKT): 2020.03.26 00:00

武漢肺炎傳染度高,出境遊停滯令本港旅行社業務垂危,抗疫生意「本地遊」的算盤亦打不響,旅行社正式進入冰封狀態──近2.3萬個領隊及導遊「冇工開」,當中約3,500名正職「零收入」。投身領隊達26年的香港旅遊業(外遊)領隊及導遊工會主席湯劍生接受專訪時慨嘆,目前已有正職領隊轉做洗碗或地盤雜工幫補家計。「我哋除咗揸住個咪講嘢之外,其他真係唔識㗎......你教書又唔係嗰個材料......」

據旅議會資料,截至本月13日止共有16,825名持證外遊領隊;接待入境團的本地導遊則有5,851名。政府於本月17日向所有外國國家發紅色旅遊警示,加上內地入境團數目早於2月跌至零,意味合共22,676名領隊導遊頓失工作。不過,湯劍生說,不少持證者另有正職,例如老師、部分為家庭主婦,真正活躍於前線的正職外遊領隊及本地導遊估算共3,500人。

據政府統計處最新公佈就業人數,包括從事旅行代理的專業及商用服務業就業人數於去年11月至今年1月止達40.1萬人。不過,由於該行業類別涵蓋職業廣泛,包括:法律及會計、技術測試及分析服務、職業介紹等行業,政府亦未有單獨統計旅遊業就業人數,故未能全面反映從事旅行代理的就業數字。

正職領隊來說,收入來源包括底薪、服務費(俗稱「小費」)、旅客購物及自費節目佣金(見圖)。湯說,領隊每月底薪一般只有1,800元至2,000元,長線旅行團領隊每月收入視乎帶團數目、每團人數及天數而定,一般月薪介乎3萬至4萬元。少數旅行社的領隊採「包薪制」,即「冇團出都有糧出」,底薪可達11,000至12,000元。但他強調,至少90%以上的旅行社不會採取「包薪制」。現時旅行社業務癱瘓,不論底薪多少,領隊已被要求放無薪假,僅餘的底薪亦「凍過水」。

領隊轉職洗碗、地盤雜工

「開頭一兩個禮拜啲領隊仲好開心,有假放喇終於!因為我哋平時不嬲都冇假放,但點知原來越嚟越大鑊、越嚟越大鑊,去到呢幾日真係有啲打嚟求救喇,問工會有咩可以幫到... ...」

據旅議會資料,自今年1月下旬至3月16日,旅行社所取消的出境旅行團超過4,400個,受影響旅客最少約13.8萬人。旅議會指,由於多國已封關,大部份外遊旅行團已取消,已沒有統計16日之後的數據。

部分領隊轉做低下層工作,「真係去餐廳洗碗,或者搵緊做保安員,或者有啲等緊攞平安卡做地盤雜工嗰啲, 清泥頭、倒垃圾」;「有啲話,『我不如出嚟揸吓uber』,冇喎,冇人坐車;做吓的士司機?都係冇,周圍都冇,乜嘢都冇... ...」

湯劍生說,目前市道坎坷,「好彩」的話可找到臨時工,每日日薪三兩百元;更大部分至今仍未找到工作,「當你做保安咁,要考個保安牌,都唔係一時三刻搵到;就算你做地盤,又要拎平安卡,又要上堂;最直接可能係去餐廳做侍應,餐廳又冇」。有領隊直說:「喂,出面搵唔到工喎 !」,託工會幫忙申請綜援。

2003年沙士,旅行社生意不至於一落千丈。「沙士上當年都仲有啲699、999(元)去泰國、去韓國,去馬來西亞玩,仲有呢啲東南亞線... ...7、8千蚊去南非、去歐洲,間唔中都有呢啲團。但今次完全係零」。即使2至3月上旬仍有凌星旅行團,領隊收入依然大減:「30人出發,去到機場得返10個,個個都唔想出,唔敢出」。

經此一疫,領隊們對行業前景仍抱有希望,暫時未有把心一橫轉行。「我哋領隊得返把口,唯一可以靠把口搵食嘅,一係就地產,一係就保險,好多時轉(行)都係轉呢兩個,又或者係自己搞生意」。主要帶領歐美旅行團的湯劍生,早年亦轉行搞海味網店小生意,領隊由正職轉為副業。

倡正職領隊導遊每人派3萬

工會早前與旅議會商討針對領隊導遊的應急方案。湯劍生認為,過去政府推出兩次現金援助計劃均針對旅行社,實際落在領隊導遊的口袋金額極微,他期望政府向活躍於前線的正職領隊及導遊約3,500人,每人發放一次性現金2萬至3萬元,涉及金額約1億元。「一個人如果派兩、三千係冇用;兩三萬嘅,你慳啲使,我諗夠佢兩、三個月,三、四個月一家大小嘅開支」。

他亦建議政府作擔保,為前線領隊導遊提供免息貸款,還款期由半年後起計;或由旅議會直接向銀行界磋談,專門向業界提供一個最低優惠利率貸款方案,還款期首3至4個月允許還息不還本。事實上,本月初已有6間本地銀行推出「個人支援貸款」,為受疫情影響的行業從業員提供資金周轉,湯認為這些計劃息率未算低。旅議會已承諾稍後與政府針對幫助前線員工展開第三波討論。

關心你飯碗,貼近你生活,即Like「蘋果ATM」FB專頁!
BannerBanner