› 選擇地區
三藩市
紐約
洛杉磯
其他美國地區
香港 台灣 北美
 
2002年05月28日

大戶傳捲土重來
股路縱橫:文傳歷史可重演

本周四期指結算,由於噚晚美股冇市,投資者觀望,好淡亦未見有劇鬥場面,全日恒指在窄幅上落,收市11564,跌62點,成交大減到62億元,期指則高水22點。
光通信(603)復牌,「中港聯軍」重張旗鼓,連帶「超人俱樂部」成員的和記港陸(715)同辰達永安(1189)都有好表現。光通信洽購中國發展(487),傾唔掂,對股價並無影響,市場主要係睇佢收購內地燃氣項目,是否會節外生枝。復牌之後,股價雖一度插到落16.4仙,但係,唔好唔信「中港聯軍」真係有咁嘅威力,由低位一路掃番上去,每個位都起碼食十幾球貨,講都唔信,下晝竟然可以反跌為升,收市高報21.9仙,反升4個位,成交16億股,總值3.2億元,居10大成交第3位。
和記港陸早段重係「死咕咕」咁樣,但11點過後,突然有大盤掩至,在短短20秒之內,連掃4個位,又反跌為升,午後再上,高收1.04元,又升番3仙;辰達永安亦高收9仙,升4個位。港陸同辰達都係「聯軍」主力出擊嘅對象,前者轉型生產高增值產品,有消息指除數碼相機外,重會生產手機嘅周邊產品,以和黃(013)嘅關係,相信成事嘅機會好大。至於辰達,除有注資概念外,其發展前景亦屬「可大」而非「可小」,噚日股價一度低見8.1仙後高收,形成單日轉向,今日若能企穩在9仙水平,則調整完成,升浪再現。
文化傳信(343)有消息,話今年初以雷霆萬鈞掃貨嘅大戶,即將捲土重來。記得當時文傳股價在短短10日內,由0.35元升到上0.53元,升幅超過5成。

圖表現入貨訊號
呢幾個月,文傳在0.38元至0.46元間上落,牛咗咁耐,大升唔奇。目前10日、20日同50日線都在0.42元水平,圖表亦已出現入貨訊號,蓄勢待發,若升上0.44元,將可擺脫3條平均線,出現急升。大戶再出招,歷史亦會重演,以上升5成計,今次應可見6字頭。
郭兆誠

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載