› 選擇地區
三藩市
紐約
洛杉磯
其他美國地區
香港 台灣 北美
 
2002年05月28日

股壇瀏覽器:光通信不妨趁高沽

和黃(013)放棄收購環球電訊,可能反映誠哥對電訊市場有戒心,期指結算後,港股有可能會被電訊股拖累。中移動(941)在歐洲路演,據聞反應只屬一般,歐洲芬佬連當地電訊股都睇唔起,又點會將中移動放在眼內呢?如果市場反應好,中移動可能已即時配埋股集資。
光通信(603)噚日復牌,成市場焦點所在,皆因大家都以為佢一復牌就會變「蛋散」,光通信一開市就跌成24%,但其後大戶大手掃貨,高盛、大摩與申銀重排晒隊接貨,收市倒升1.8%,成交逾3億元。光通信唔散得,都算幕後夠落力。
光通信入股中油中泰項目單Deal前景未明,肯定會引起投資者疑慮,不過今次幕後人士明知會有基金出貨都肯瞓身接貨,此舉除咗顯示實力外,亦給予幫莊與跟炒芬佬一個信心保證。似乎今次光通信就算入股中油中泰真係唔掂,都唔想捧場客輸錢,唔知係咪怕下次冇人肯跟,所以幕後人士今次肯作出重大犧牲。
黑客話,今次光通信或會企於高位一段時間畀人走貨,但遲啲就唔敢講,所以應趁高沽貨,直至內地燃氣業務發展前景明朗,先至炒過都未遲。

和記行傳賣殼
和記行(720)股價由0.073元升至噚日收市0.186元,累積升幅達1.55倍。市場傳出,和記行將賣殼,聽講重話買家有幾個,搞到大股東都唔知賣畀邊個好。不過要留意此股成交有少少萎縮迹象,暫時唔適宜高追,等回番啲至諗。
阿 虎

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載