› 選擇地區
三藩市
紐約
洛杉磯
其他美國地區
香港 台灣 北美
 
2002年12月31日

震倉急跌
股路縱橫:國企明年仍看好

港股由12月3日的反彈高位10247回落,到噚日低位9244,足足跌了1003點,總算超過了1000點,希望可以應咗農曆11月大跌市嘅預言,唔使再拖落去。
恒指噚日收9272,大跌172點,成交43億元,1月期指繼續低水,投資者入市意欲低迷,3大藍籌股,滙豐(005)、中移動(941)同和黃(013),都成為拋售對象,基金力壓之下,大市無力反彈,幾以全日低位收市。不過,噚日下跌股(不計認股證)400多隻,而上升股則唔夠100隻,跌勢發展到咁全面,暫時會接近尾聲。大市幾時到底,事後先知,但即使再跌到9000關口,點都會有反彈。
今日做年結,相信點都有少少櫥窗粉飾嘅買盤,個別冷門同細價股,會造番好睇啲。2002年做埋呢半日市,就成為歷史,今年投資是否有成,開心或唔開心,都已過去,希望新的一年,無論造好造淡,都可以賺大錢。
睇番50大成交股份,除港燈(006)同恒基發展(097)外,全部下跌,恒發有私有化因素,實際上只得港燈一隻上升,跌勢真係好全面。國企股有5隻上榜,包括3隻電力股同兩隻航空股,其他如石化股成交亦幾活躍。噚日國企股幾乎走晒樣,上海石化(338)同儀征化纖(1033)都跌咗5.6%同4.7%;南方航空(1055)同東方航空(670)亦唔見6.6%同5%;北京大唐(991)同華能(902)亦跌4.8%同3%。基金本來一路買緊國企,但大市跌勢轉急,基金暫時收盤,散戶見狀亦紛紛計數,股價遂大幅滑落。基金買國企,係睇長線,今次可視為震倉,2003年仍可以看好。

偉易達吼位博反彈
品質國際(243)跌勢轉急,收1.7元,跌0.12元,跌幅6.6%,由近期高位2.2元回落,跌幅22.7%,噚日成交接近1300萬元,排43位,顯然仍有大盤在收集,若以走勢跌穿三角形來衡量,估計品質要到1.6元才有較強支持,博反彈,可候到價時才吸納。偉易達(303)跌穿6元關,低收5.8元,亦跌6.4%,10月11日低位5.6元,若守得住,亦可小注博反彈。
郭兆誠

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載