› 選擇地區
三藩市
紐約
洛杉磯
其他美國地區
香港 台灣 北美
 
2004年03月25日

股壇瀏覽器:華潤萬眾未掀熱潮

港股繼續反彈,恒指全日升89點,收報12678。投資者沽出公用股,轉買銀行及地產股,反映大好友美林在港股市場有一定影響力。
中石油(857)全年賺696億元人民幣,雖勁升48%,但仍與市場預測有一定距離,今日石油化工股走勢會點樣,真係要睇大戶心情。早前國企股受到追捧,除咗因為預期業績靚之外,市場亦憧憬人民幣升值,但中國多番表示人民幣不會升值,國企股少咗一個炒作藉口。
華潤萬眾(331)今日截止認購,據講認購情況麻麻哋,除咗因為投資者睇淡本港流動電話市場外,最重要係近期兩隻獲超額逾百倍的新股中芯(981)同TOMOnline(8282)上市後都跌破招股價,中芯近兩日雖已反彈至2.325元,但仍較招股價低13.5%,TOMOnline噚日收報1.21元,較招股價低19.3%。噚日有傳言華潤萬眾尚未獲足額認購,此股今次招股總數僅2.68億股,每股作價最高5.65元,集資額最多15.17億元,規模唔算大,加上有瑞銀做保薦人,照計冇理由會出現不足額認購,有華潤個名,淨係畀面派對閒閒哋都有十億八億啦。

新濠盈利能力改善
新濠(200)落實收購摩卡角子老虎機業務後,噚日股價勁升13.8%,摩卡現有65部角子老虎機,一季約賺230萬元,即每部機年賺14.15萬元,若日後增至500部機計,即一年可賺7000萬元左右,將可大大改善新濠的盈利能力。
阿虎

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載