› 選擇地區
三藩市
紐約
洛杉磯
其他美國地區
香港 台灣 北美
 
2005年11月25日

股路縱橫:大行收集完成 北辰先看2.5元

港股連埋噚日叫做連升7日,但其實本周初兩日(恒指分別升2.25同0.08點)嚴格來講可以話係調整,所以,大市𠵱家嘅升勢仍然係好健康;不過,由於累積已有相當升幅,恒指在15200之下,確有需要整固一吓,也因為期指結算而會在此水平有較大的波動,但結算後,大市應會向好,年底前有頗大機會升上16000。
噚日恒指在15042至15117的75點窄幅內上落,收15084,升22點,成交193億元。地產股繼續有好表現,長實(001)升0.75元、新地(016)升0.65元、恒地(012)亦升0.65元;滙控(005)同和黃(013)亦有0.20元進帳。後市看好,下周初係最後買貨機會,特別係大藍籌嘅C輪,若然大市在未來1個月一如所料升上16000,C輪嘅升幅會好可觀。
上周推介嘅中國永樂(503),呢兩日大發神威,升上2.85元,有大摩做股東呢個牌頭,確係值得捧場,可繼續持貨,初步獲利目標係3.05元。
另一隻同樣有大行做策略性股東嘅中國雨潤食品(1068),股價亦開始上力,唔排除基金繼續大手吸納,05年(12月年結)預測PE約15倍,仍遠低於中國零售同消費股的22倍,中期上升空間甚大。雨潤上市個多月,走勢已完成底部整固,若升破3.825元,短線量度上升目標係4.20元。
中國蜂業(8156)「自我剖白」後復牌,下跌已係意料中事,最低0.99元,跌32%,但上得番1.24元收市,跌幅收窄到15.3%,成交有4200多萬股,看來有關人等未有打退堂鼓。

愈近奧運受惠愈大

內地地產股近期升勢集中在中國海外(688)同華潤置地(1109)身上,噚日開始見北辰(588)發力,收2元,升4仙,成交更大增到2600多萬股,係04年2月以來嘅高紀錄,今次升勢有動力配合,大行收集應已完成,確認升破2.05元阻力後,初步上升目標指向2.50元。
北京房地產價格持續上漲,今年1至10月,北京商品期房平均價格每平方米6781元人民幣,同比上升21.4%,比1至8月的18.4%升幅為大。現時北京城市建設已步入「奧運周期」,北辰擁有位於亞奧核心區的投資物業、零售商業同兩個奧運項目,愈近奧運,受惠愈大。
郭兆誠

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載