› 選擇地區
三藩市
紐約
洛杉磯
其他美國地區
香港 台灣 北美
 
2005年11月25日

股壇瀏覽器:華多利併股傷上加傷

繼日前銀建(171)、中航興業(1110)及騰訊(700)遭連環斬倉後,噚日又有萬裕國際(894)被斬倉急跌21.7%。
唔知係劊子手斬得斯文,定係萬裕本身有一定實力?阿虎見到有投資者趁低接貨。此外,近期被斬倉的股份,股價跌幅普遍兩三成左右,與以往斬倉輕則唔見四五成,重則蒸發市值八九成的情況比較,算是小巫見大巫。
黑客話,證券行已經學精咗,一般冇實質業務支持的股仔根本冇得做孖展,有實力的股份頂多做40-50%孖展,一旦斬倉會吸引投資者趁低接貨,證券行較易取回孖展貸款本金。
華多利(1139)最近搞股份合併,10股合為1股,原因是股價已經接近1仙水平,所以按例需要併股。該股噚日跌12%至0.022元,合併後股價將變成0.22元,下跌空間變相大咗,傷上加傷。華多利於9月下旬曾先舊後新配售2.15億股,每股0.035元,集資752.5萬元,其後股價踢高至0.06-0.07元水平就有人開始派貨,相信大戶早已甩身,但當時在市場高位接貨的股民就喊得一句句。

花旗唱好偉易達

偉易達(303)中期盈利勁升4.4倍至4630萬美元,證券行紛紛唱好,花旗調高其目標價至43.80元,里昂亦調高目標價至41.90元。無奈此股過去累積升幅驚人,由6月中的11元水平升至本周三的29.80元,幅度達1.7倍,噚日早段再嘜高至32元,即有大量獲利沽盤趁好消息出貨,結果倒跌7.88%,收27.45元。
以花旗所訂目標價,偉易達現水平有60%上升空間,但偉易達最近升咗咁多,由高位追入賺呢60%水位,必需要好有膽量才可。
阿虎

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載