› 選擇地區
三藩市
紐約
洛杉磯
其他美國地區
香港 台灣 北美
 
2005年11月25日

中環在線:地產分析員紛紛轉行

來自基金界嘅消息傳出,名牌地產分析家──瑞銀證券董事總經理林奮強(圖)將不再做分析員,但仍會留在瑞銀,只係由「sell-side」轉做「buy-side」,轉行做基金經理。其實呢個消息早喺今個月初已經喺金融圈流傳,不過林奮強一直否認有其事。若果傳言非虛,咁佢應該係近期第三位「星級」地產分析員轉行做芬佬。
金融風暴之後,本港樓市雖然曾經復甦反彈,近兩年重有番啲炒風,豪宅同扮豪宅盤都幾好價,但相對97年全面旺勢,實在已經風光不再,面對證券行收縮資源,唔少地產分析員都做到意興闌珊。摩根士丹利前研究部主管卓百德,舊年就離開做咗17年嘅摩根士丹利,過檔對沖基金公司LIMAdvisor,管理地產基金。
另外,有「地產大淡友」之稱嘅滙豐證券前地產研究部主管張一鳴,今年中因「封嘴」事件離開滙豐,其後被美國大型房地產投資基金公司Cohen&Steers羅致,為他們在亞太區拓荒,亦都轉咗行冇做分析員。如果林奮強都去埋芬界,想搵人開騷演講,又少一個人選。
李華華

相關新聞:每日圖片故事:跑馬仔賀08奧運VISA卡

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載