› 選擇地區
三藩市
紐約
洛杉磯
其他美國地區
香港 台灣 北美
 
2005年12月19日

蘭西情報課:深圳朗豪港式噱頭促銷

創基集團策劃深圳朗豪駅做潮流商場,睇佢哋手畫圖用咗朗豪坊呢個名,就知受鷹君旺角朗豪坊影響好大啦,不如索性改做東門朗豪坊重好啦!

香港商場搞活動催谷人流同生意招數證明可行,𠵱家連內地商場都效法。深圳東門嘅東門朗豪駅,聽有「商場醫生」之稱嘅創基集團沈永年講,會變身成深圳首個以流行電玩同動漫做主題嘅商場,定期跟進市場變化、組織各類促銷活動,重會安排本港藝人每月到場參與宣傳活動,包括簽名會、記者會同喜慶典禮。
商場共三層,頭兩層共一百八十個舖位供出售,上個禮拜喺深圳搞預展,賣咗三十間,套現三千萬人民幣,第三層約一萬一千三百方呎,只租不賣。
另外,發展商深圳市中富田房地產,會喺香港推出三十個舖位供優先認購,平均呎價七千元;董事副總經理王海石話,物業因屬商住用途,所以年期達七十年,比一般商場嘅四十年長。而東門步行街平日人流量五十萬人次,假日就八十萬。
電郵地址:nancy@appledaily.com

相關新聞:朗豪坊真人騷收效

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載