› 選擇地區
三藩市
紐約
洛杉磯
其他美國地區
香港 台灣 北美
 
2006年04月13日

李君豪趁亂翻案

李君豪話,雖然董事會已通過第二階段收窄價位,佢諗住要求下屆董事會重新討論。 資料圖片

港交所董事會呢個月底就會改選,五個人爭兩個位,都咪話唔亂。可能因為咁,有董事想趁亂為收窄股份買賣價位翻案。呢個第二階段縮窄股份買賣價位方案,喺2月中嘅港交所董事會通過,將會全面收窄0.25至20元股份嘅價位,諗住7月實施。
不過,經紀界一直反對再收窄價位,認為會減少即日鮮買賣,影響經紀收入,不過,經紀代表喺港交所董事會只屬少數,反對無效。噚日港交所又開董事會,代表經紀嘅董事李君豪話,雖然董事會已通過第二階段收窄價位,但之後收到好多投資者嘅反對意見,認為難以收回買賣成本,所以佢諗住要求下屆董事會重新討論。
李董事嘅如意算盤係咪打得響?要睇吓嚟緊嘅董事選舉有幾多經紀代表入到圍。今次選舉,李佐雄、何猷龍同朱國柱可以話代表經紀,同支持收窄價位嘅DavidWebb及陸恭蕙呢對拍檔對撼,又睇吓人多係咪可以蝦到人少。

相關新聞:魔鬼基同巨人唔啱key

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載