› 選擇地區
三藩市
紐約
洛杉磯
其他美國地區
香港 台灣 北美
 
2006年04月13日

雙重標準

港交所作為監管上市公司嘅前線機構,平時要求股價異動公司發表通告解釋就做得多,但近期港交所股價不斷咁升,股價前日直上58元之上,成交又大增,就唔見佢哋自動自覺出聲明澄清,有啲雙重標準喎。
不過,噚日港交所終於應證監會要求發表聲明,指已知悉最近股份價格上升,但並不知悉導致價格上升嘅任何原因。
聲明又確認,目前並無任何有關收購或變賣嘅商談或協議須予公開。
不過,港交所主席李業廣本周一接受傳媒訪問時,話過將港交所股份拆細嘅機會好大,當日市場有趁呢個消息炒起港交所,但原來噚日董事會都冇討論拆細,而港交所亦冇喺通告交代,係唔係透明度低呢?
平時多多聲氣嘅港交所董事DavidWebb,今次就幫番自己人,佢話港交所已作出最快回應,並不存在監管上雙重標準咁話。

相關新聞:魔鬼基同巨人唔啱key

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載