› 選擇地區
三藩市
紐約
洛杉磯
其他美國地區
香港 台灣 北美
 
2006年07月10日

中環在線:機管局CEO招聘

彭定中嗰位年薪有成600幾萬銀,好多人都吼住呢份工,但佢就一於話知你,寧願退下火線。 資料圖片

做咗5年半機管局行政總裁嘅彭定中,上月宣布唔玩,唔理佢係咩原因都好,機管局當務之急梗係搵人接班,佢哋搵咗獵頭公司SpencerStuart幫手,對方收到柯打亦即刻做嘢,除咗周圍哨睇吓有冇獵物可以挖角,SpencerStuart亦喺《南華早報》登招聘廣告。咁點先夠資格坐呢個位呢?
要求唔係好高啫,只要自問可以做一個傑出領袖,曾在大機構或政府部門擔任過管理要職,尤其曾應付巨大顧客層要求嘅工作經驗最吃香,對內地及香港政策熟悉嘅更佳。

相關新聞:大新信用卡硬銷澳門

年薪有成600萬

當然,如果曾在其他高增長嘅機場擔任過要職嘅可以優先,年薪有成600幾萬銀喎,各位想做打工皇帝嘅,自問夠條件不妨一試。

親疏有別睇背景

自從話彭定中唔玩之後,都有人惋惜,其實佢真係做得唔錯。
另外,又有風吹過話港龍航空行政總裁許漢忠有可能坐呢個位,咁既然有傳言話佢前途不明朗,換吓環境亦好正常,反正國泰吞咗港龍之後,一山點能藏二虎?如果許漢忠真係去機管局,咁機管局同國泰港龍就有一場好戲。不過,在呢個親疏有別嘅時代,唔係你有料就做得,仲要睇睇你咩背景,咁筍嘅工,好多人都想關照自己人呢。
李華華

相關新聞:蔣麗莉親身上陣

讀者如有任何意見或報料,歡迎發送電郵至LiWaWa@AppleDaily.com。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載