› 選擇地區
三藩市
紐約
洛杉磯
其他美國地區
香港 台灣 北美
 
2006年10月10日

窩輪搏擊:華能調整完結吼9541

上個禮拜個市升得好哋哋,昨日聽到話北韓完成核試,恒指就碌咗200幾點落嚟,唔知同前日轉咗節氣有冇關係,賭仔性賴,梗有好多方法去解釋個市點解跌。恒指逼近18000關,兩粒「十字星」之後整支大陰燭,點會唔嚇親班股民呢。個市跟住點?就要睇吓美股同日股點變身嘞。
北韓核試,美國佬應該係嬲而唔係驚,南韓則係驚而唔係嬲,至於㗎仔則嘅嬲又驚,如果呢啲心理分析正確,咁樣美股應該不受影響,日股可能受壓,但係會有一啲資金托市,至於南韓則會反覆受壓,咁樣發展,港股應該唔使驚,恒指已經跌至重要支持位,訂番個止蝕位睇位收集,應該幾值博。

華能C輪9541:華能(902)9月中開始嘅走勢好樣好多,拋離咗條10日線後,好快就升咗上6元,不過累積升幅大,吸引咗啲高位獲利貨,過去兩個交易日出現調整,但係成交就連縮3日,昨日下試10日線後升番上去開市價埋單,係典型技術調整完結嘅模式,睇嚟反彈隨時開始。華能升上去,會先試5.90至6元,破關就睇6.40元。
隻華能C輪9541昨日收41仙,槓桿率14倍(有效10倍),仲有95日先到期,溢價2.8%,抵玩,引伸波幅20.4%,對沖值0.719,輕微價內,正股炒上6元,9541會升上去60仙邊,正股炒上6.40元,隻輪睇90仙樓上,44仙樓下買番啲,正股跌穿5.60元止蝕,如果正股上試5.90至6元遭遇強大沽壓,咁就計咗數先,等回試支持位或上破6元再設止蝕位買番。
俊樺

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載