› 選擇地區
三藩市
紐約
洛杉磯
其他美國地區
香港 台灣 北美
 
2006年10月10日

工行推介富豪noshow

李國寶(左二)帶埋兩個仔Adrian同Brian嚟,總算充撐吓場面。 程志遠攝

以集資金額計算,人類歷史上最大型嘅集資活動──中國工商銀行嘅招股噚日正式開波。工行喺四季酒店搞咗個投資者推介會,之前放晒風聲話會有好多大孖沙嚟,結果只得四叔派咗恒基地產(012)執行董事兼首席財務總監歐肇基同埋長實葉德銓出席,彤叔同李超人影都冇!
市場鍾意將建行同工行比,舊年建行搞投資者推介會,彤叔及嘉里集團大股東郭鶴年都有親自出席;恒地林高演、長實葉德銓亦到場,今次好似冷清咗少少。
不過,好彩工行都有東亞銀行主席李國寶,帶埋兩個寶貝仔Adrian同Brian嚟撐場,若果唔係,以為只係一間普通公司嘅推介會㖭!據講由於今次工行上市係由幾家大行負責,所以要有邀請函先入得推介會,華華見唔少基金經理食閉門羮;參與推介會人數約有500多人!
呢次嘅集資活動仲有一個特點,就係公關公司居然唔畀記者同參加推介會嘅投資者傾偈!華華明白,上市前係唔可以講啲有關上市嘅敏感資料,但係噚日大家都好合作,搞到咁又何必呢?華華希望唔會有下次啦!

相關新聞:VISA一姐過檔八達通

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載