› 選擇地區
三藩市
紐約
洛杉磯
其他美國地區
香港 台灣 北美
 
2006年11月26日

投資部落:股市波動如何定止蝕

𠵱家個市咁旺,但股市始終有上有落,跌市時投資者通常碰到的問題是如何止蝕。最近有網友係《Uwants討論區》內提出呢個問題,sherman7651講述自己的經驗。他引述專欄作家曹仁超提出的15%止蝕方案,即是若入市後有10%虧損,先留意是否看錯市;若有15%虧損,應立刻止蝕。該網友指出,係應用上發現只對一、二線股就OK,但三、四線就可能要將比率定大啲,例如20至25%,但𠵱家更難應用,因牛市三期嘅特性係特別波動,可能一線股都要定係20%。
另一止蝕界線亦是引述曹sir以身家1至10%為基準,一跌過就要止蝕;例如你有十萬蚊本,定2%止蝕,用1.8萬元買國壽,若蝕咗2000元就cutloss。但該網友指股本太少嘅人則唔係好啱用。
仲有一個方法係睇支持位,一般懂技術分析嘅人,可以看圖定止蝕位,破位加1至2個價位止蝕。網友應用時發現很易畀大戶當點心,即所謂震倉。最後一個方法是看浪,以看圖定浪,以基本理論,二浪不會低過起步,四浪不會低過一浪頂。佢指出呢個方法易學難精,同樣好易畀大戶當點心,但應用係大牛市(牛一、牛二)就好有用,牛三及熊市就睇功力。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載