› 選擇地區
三藩市
紐約
洛杉磯
其他美國地區
香港 台灣 北美
 
2007年01月22日

股場放大鏡:荷銀大手吸偉仕

上個月提過電腦配件分銷商偉仕(856)有批66球,涉資逾億元嘅貨大手上板,其後聯交所資料顯示,原來係荷銀透過場內大手上板增持,現持貨已超過10%。由於偉仕一向牌路比較疏,基金要喺市場買足呢批貨,睇怕掃到清板都掃唔晒,換個角度睇,基金買齊貨股價隨時升到你唔信。上星期五偉仕喺1.90元又有15球貨上板,睇嚟又係大行買貨。
偉仕截至9月底止中期純利7370萬元,增1倍,每股盈利8.43仙,下半年業績料續增長,預測PE不過10倍,由於偉仕擁有多個電腦產品品牌之獨家代理權,係有壟斷優勢嘅公司,現價唔貴。
集團一路講緊受惠微軟推出新一代視窗VISTA,究竟有幾受惠?VISTA無論在畫面、3D顯示功能、資訊搜尋系統及處理功能等,均較WINDOWSXP有顯著進步,料VISTA推出首年,全球可望有逾9000萬台個人電腦(PC)安裝新版視窗。
市場預計VISTA效應,將從今年第一季開始逐步浮現,並成為今明兩年換機潮延續嘅主要動力。另一方面,VISTA主要Sell多媒體平台功能,多媒體檔案倍增,對硬碟設備需求亦會大增,而目前硬碟代理收入佔偉仕營業額70%。上周偉仕突破近期橫行區,隨時開車。

國華炒煤價上升

國華(370)上周五「喪升」50%,而成交量亦都唔細,有205球成交,忽然勁升唔知係咪同煤價升,周邊產品都有得升有關。呢間公司原本做貨運代理,易手後以焦炭業務為新業務方向,新收購的山西長興焦炭業務今年上半年有輕微虧損。焦炭主要供生產鋼鐵產品之用,副產品則包括瀝青及焦炭爐燃氣。呢隻冷門股仔原來亦有大孖沙入場,德銀持7%,而總部位於東京的AssetManagers則持逾14%。
歐陽風

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載