› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

中環在線:「刀球」扮政治迫害 阿爺唔信 - 李華華

孖寶蛋糕焗燶爆煲單嘢,唔經唔覺過咗差唔多一年,表面睇冇乜進展,孖寶蛋糕話事人「刀球」繼續人間蒸發,佢太座「大眼」繼續情陷夜中環,見盡城中財俊,繼續做名媛,係咪代表事件不了了之?似乎又未必!
根據西環小密探講,成日話要打擊經濟犯罪嘅阿爺,呢幾年行緊殺一儆百呢套,做樣畀全世界睇,佢係幾文明進步,所以孖寶蛋糕呢單case亦唔例外,阿爺一路昅得好實,舊年7月東窗事發嗰陣,啲董事跳船嘅跳船,「刀球」即刻返祖家向阿爺交人,交代吓自己響香港做過嘅好事!

自由太太不愁寂寞

經過精密嘅案情重組,「刀球」先個月正式向阿爺交咗報告書,據聞,「刀球」話唔見咗嗰筆錢,其實係一般企業借貸,普通到唔普通,加埋個額又唔係大,呢鋪根本係英國佬銀行對佢嘅政治迫害……
劇力萬鈞、情節感人,之不過,問題係阿爺睇完都唔信,要佢再諗過個好啲嘅解釋!最好就係個答案令香港班友滿意,順便畀煲呔攞番個彩!
不過,阿爺都待佢不薄,畀佢響祖家自由行兼冇凍結佢啲錢同資產!
咁「大眼」又係咪因為老公着草而落難?聽講唔使,據聞當年結婚嗰陣,大家講明係有條件婚姻,錢呢?經已袋袋平安;人呢?以「大眼」咁嘅樣貌同埋身家,自然吃得開相識滿天下,又何愁寂寞呢!
雖然仲掛住太太個名,但「大眼」仲自由過啲靚妹仔,入黑之後,由愛心狗媽媽變身蘭桂坊女王,狂歡買醉多次俾傳媒影到,身邊男伴輪流轉,唔少個名唔太響嘅二世祖同埋專業人士都做過佢嘅伴!
LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載