› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

中環在線:太古三期隧道一通錢銀通 - 李華華

金鐘地鐵站有個新出口今日開通,大家以後搭地鐵去太古廣場第三座,唔使再日曬雨淋。
地鐵模擬圖片

太古地產喺灣仔嘅太古廣場第三座,距離灣仔同金鐘地鐵站有一段路,總之係好天曬落雨淋啦。不過,太古成功爭取到起行人隧道接駁太古廣場第一、二期同金鐘地鐵站,條隧道今日正式啓用,以後太古廣場第三座嘅租戶去金鐘地鐵站就方便得多。

出小財入大財

呢條行人隧道係太古自己畀錢起嘅,睇落好似好蝕底,但實情太古先至係大贏家,因為條隧道接駁嘅太古廣場一同二期,咪又係太古持有!咁可以將以前四圍散出去搵食嘅太古廣場第三座租客吸埋過嚟,「肥水不流別人田」,除咗太古廣場食肆旺之外,亦會帶旺埋商場零售消費,咁太古嘅租金收入咪「水漲船高」囉。
另外,既然太古廣場第三座冇咁隔涉,將來寫字樓續約,租金又可以加多啲;同時,太古地產喺太古廣場第三座附近揸住嘅舊樓,第日重建又值錢啲。呢啲就係所謂「小財唔出,大財唔入」,明白未。
LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載