› 選擇地區
三藩市
紐約
洛杉磯
其他美國地區
香港 台灣 北美
 
2007年03月09日

抽新股 二選一
蘋果視窗:銀泰搵快錢中糧擺一輪

銀泰加價後每手入場費5444.39元,即使PE高企,仍無損散戶追捧熱情。
資料圖片

最近兩個星期,港股風高浪急,「黑色星期一」令恒指一片愁雲慘霧。不過新股仍然大無畏,散戶就心大心細,本周中期開始招股的分別有浙江省最大百貨公司銀泰百貨(1833),及乙醇龍頭股兼由中糧國際(506)分拆嘅中糧控股(606)。港股走勢未明朗,熱愛抽新股嘅散戶點算好?
behewing喺《香港討論區》問:「跌成咁,大家仲抽唔抽銀泰百貨同中糧控股?」
兩隻新股各有千秋,羅柏蘭登係銀泰粉絲,「抽呀!冇死啦,內需嘢,買!」
相反,中糧粉絲skyknow就話:「中糧市盈率17至20倍,而且佢會增加生物燃料嘅業務,家下一般生物燃料都去到幾高吓,加上背景較好,係抽都抽呢個啦。」不過佢提醒大家,現時港股仍處調整期,抽新股時要格外小心。
差不多小子講笑話:「各抽一手,希望賺餐茶,可以支持吓香港飲食業。」小心一族嘅好望角就話:「隻銀泰招股PE好似成46倍,今時唔同往日,睇清楚啲先。」5906「懶」理性咁分析:「中糧要擺,搵快錢當然係銀泰。」

兩隻可揸中長線

信誠證券聯席董事連敬涵預期,本周新股反應較之前差,相信持貨者都只顧住手上蟹貨,因此無心情抽新股。但他睇好兩隻新股,銀泰較百盛百貨(3368)便宜,中糧控股則屬龍頭股,兩者均可作中長線投資。
銀泰於本月7日至12日招股,招股價加價後介乎4.36至5.39元,每手入場費5444.39元,本月20日掛牌;國壽(2628)母公司中國人壽集團及廸生創建(113)主席潘廸生為策略投資者。
中糧控股於本月8日至13日招股,招股價介乎3.1至3.72元,每手入場費3757.54元,本月21日掛牌;日本三菱為策略投資者。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載