› 選擇地區
三藩市
紐約
洛杉磯
其他美國地區
香港 台灣 北美
 
2007年03月09日

國際網絡:網友唔肯捐錢畀大學

哈佛大學不但係美國數一數二名校,更是全美高校首富。
網站圖片

據《華爾街日報》報道,獲得校友熱心捐款嘅美國大學,有助吸引富豪或其他機構捐錢。其網上版最近搞咗個調查,睇吓畢咗業嘅網民係咪真係咁熱心捐錢,同埋舊年捐咗幾多錢畀大學。
調查發現,有份投票嘅3100人當中,有37%校友冇捐錢畀大學;至於有捐錢嘅校友,佔44%唔過1000蚊美金以下,捐款超過1萬蚊嘅只有3%。
網友romesh話:「我覺得只有規模較細嘅學院先值得捐款,佢哋學費低、經常費用唔高、教授薪酬又合理,但呢類學府通常位於南部及以黑人為主。至於嗰啲名牌大型學府,主席同高層嘅薪酬高到嚇死人,唔值得捐錢養佢哋。我認為如果佢哋想要咁高人工,不如索性轉去華爾街做,尤其係嗰啲所謂嘅『星級』教授。」

花錢養球隊匪夷所思

rridgeley回應:「大學將啲錢花喺星級教授身上都算合理,話晒都同教育有關;我最唔明反而係嗰啲花成百萬美金管理足球隊,又縱容球員唔使點讀書嘅學校囉!」
不過,亦有唔少網友支持大學花錢喺球隊身上,好似lawrencenorton就話:「球隊其實可以透過賽事門票收入賺錢,貢獻番畀學校。至於捐錢,雖然我對學校仲好有感情,但如果我有錢捐嘅話,捐畀大學一定係最後選擇,因為佢哋實在太有錢嘞!」
ryangerstner回應話:「雖然有資金緊絀嘅大學,寧願減辦學術課程都要搞球隊,聽落好似幾匪夷所思,但如果大學喺體育運動方面有出色表現,又的確有助提高大學聲望,師生都會引以為傲。」chrishaak2卻認為:「捐錢畀貧窮或飢餓嘅人,比捐錢畀大學起間新圖書館咪仲有意義。」
截至去年6月底止財政年度,哈佛累計獲捐贈292億美元(2277.6億港元),是全美高校首富;排名第二係耶魯大學,獲捐款152億美元。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載