› 選擇地區
三藩市
紐約
洛杉磯
其他美國地區
香港 台灣 北美
 
2007年03月09日

敏妮Talk:一盤啱媽咪搞嘅生意 - 溫敏妮

上周末,敏妮同契女一家人飲茶,契女媽咪J過咗年就全職湊女,敏妮同佢講:「契女咁醒目,你大可以將教女心得,演化成一盤生意,開嗰啲兒童教育班,市場需求好大。」
J:「我都有諗過,仲讀緊有關嘅課程。」
「啱呀,考番啲資格,一來教女時用得着;日後真係開班,有專業資格,其他家長就更有信心。」

考文憑開兒童教育班

敏妮經常聽啲生咗仔女,要放棄工作全職湊BB嘅媽咪講,仔女大咗返學之後,自己就多咗好多空閒時間,但冇做幾年嘢,再搵工唔易。其實佢哋忘記咗自己累積幾年嘅教仔經驗,幾咁渴市。
金豬年特別多人想生BB,今年出世嘅BB,幾年後就面對教育問題,要把握呢個機遇,各位媽咪除咗本身已具備嘅湊仔經驗,仲應該考番啲專業資格。香港公開大學就有辦教育證書課程,甚至學位課程,呢啲專業資格係開兒童教育中心基本本錢。
另外,做生意最緊要講實際,同有賣點。講實際莫過於語文同數學,語文當中最緊要係英文同普通話;至於計數,放心!敏妮唔會叫你去讀個數學系學位,甚至考過核數師資格,有當然好,考呢兩個資格用嚟教人哋個仔,就更加唔夠你做!

由小型playgroup做起

不過,一啲趣味性嘅數學班,可能更適合教細路。以J為例,佢之前讀咗個速算課程,諗住學完再教個女,但我就認為日後佢真係想開教育中心,呢個技巧會係其中一個賣點。
成功嘅生意要靠口碑,大嗱嗱搞一家教育中心,唔啱各位媽咪,敏妮有個諗法,若果各位媽咪真係想發展自己嘅事業,不妨由細做起,搵埋幾個志同道合嘅家長,一齊設計playgroup畀自己嘅囝囝囡囡,咁就可以累積經驗,希望慢慢做出成績,最重要係就算搞唔成生意,仔女都得益。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載