› 選擇地區
三藩市
紐約
洛杉磯
其他美國地區
香港 台灣 北美
 
2007年03月09日

窩輪搏擊:小注博反彈炒9943 - 俊樺

前晚花旗個市本來繼續彈,但係尾段又搬出「炒加息」推低個市,雖然收市指數唔係跌好多,但反映出喺急挫之後,投資者嘅心態仲係好保守,信心仲未返嚟。咁花旗個市會點?既然係炒反彈,再彈唔起就要跌,睇埋昨晚美股嘅變化,大家對於美股短期會點走應該有更多眉目。
港股昨日上晝嘅表現都幾好,但係就少咗一份氣勢,晏晝喺㗎仔個市帶動下,大挾淡倉,恒指同期指都升咗250幾點,不過成交就好奀,唔夠500億元。之但係前日個市走勢咁曳,昨日港股升番上嚟,都叫啲股民放心啲。唔知大家有冇留意到俊樺前面講美股嘅時候,其實留有伏筆,「炒反彈,再彈唔起就要跌」,大家見到港股升番放心啲,但係千祈唔好忘記呢個係「反彈市」,而唔係「轉角市」,彈到咁上下,啲淡友又會走晒出嚟玩大插插,大插嘅時刻到咗味?睇到啲成交咁細真係有啲驚,就算話幫手推個市上去嘅大藍籌,成交都唔係好掂,班大戶一儲夠淡倉,隨時會殺番轉頭。反彈市係減磅同埋清貨嘅時機,錯過咗就後悔,水頭充足嘅股民喺低位買咗貨,都要記得食糊,否則隨時又係一場夢,曾經令你好開心嘅賬面利潤,轉眼間又係化作雲煙。

新地C輪9943:新地(016)昨日報收87.1元,跌1.74%,同其他地產股比,好唔掂,不過係有原因嘅,因為有大行出報告唱淡。昨日低位有承接,大成交,下個禮拜拍地,新地又賣樓,應該可以炒一轉短嘅,小注諗吓隻C輪9943,昨收43仙,槓桿20.3倍(有效8.2倍),對沖值0.41,正股升上90元,9943應該有3成升幅,正股跌穿86元止蝕。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載