› 選擇地區
三藩市
紐約
洛杉磯
其他美國地區
香港 台灣 北美
 
2007年03月09日

股場放大鏡:勞氏破頂睇3.5元 - 歐陽風

早幾日建議跟溫總言論揀股票,專吼環保概念股,呢幾日都有唔錯升幅,除咗光大國際(257)同埋天津創業(1065)之外,勞氏環保(309)都可以留意,此股業務獨特,講炒作概念,不比其他環保股遜色。
勞氏去年10月底公布與清大德人成立合營公司,在內地從事醫療廢物處理業務,去年8月,清大德人從加拿大引進海卓科(Hydroclave)的處理技術和設備獲得政府認可,成為內地唯一獲認可的非焚燒醫療廢物處理技術,並落實建設醫療廢物處理中心。
醫療廢物利用焚燒技術處理會構成2次污染,而符合標準的焚燒技術成本相當高,每公斤廢物的處理成本超過5元人民幣,高過該公司的技術5倍。所謂海卓科技術,即以攝氏134度高溫蒸煮廢物後,再把廢物徹底攪碎,而海卓科是內地唯一通過的標準和取得合格證明的技術設備,其他技術預計需花上數年時間才有機會獲得通過,在這段期間勞氏可說取得「獨市生意」。
雖然公司快速發展,但係管理層卻強調廢物處理中心的現金流強勁且可預測性較高,易於取得地方政府擔保貸款,因此將盡量不會以配股方式籌資,以免攤薄每股回報。由於基金好Buy呢個概念,公司卻無意配股,惟有直接在市場掃貨,令跌市中勞氏股價依然硬淨,噚日破旗兼穿頂後,下個位要睇3.5元樓上。

必抽新股:中糧控股

噚日正式招股嘅中糧控股(606),市場反應奇佳,呢隻由中糧國際(506)分拆出嚟嘅生物能源股,招股書講到明日後會將母公司早排收購嘅A股豐原生化注入上市公司,意味上咗市都仲有大把注資概念可炒,而且國內5個乙醇牌佢系內攞咗3個,絕對係替代能源(又係環保)嘅龍頭企業,分分鐘係明日之星。至於中糧國際,昨日走勢不俗,亦可留意。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載