› 選擇地區
三藩市
紐約
洛杉磯
其他美國地區
香港 台灣 北美
 
2007年03月09日

中環在線:彤叔吼中糧中信銀行 - 李華華

股海翻波,但對見慣風浪嘅彤叔鄭裕彤(圖)嚟講,不過係小風波,無阻佢shopping嘅興致,中糧控股招股、中信銀行上市、大埔賣地,佢全部都話有興趣。
華華噚日喺香港珠石玉器金銀首飾業商會一個記者會上見到彤叔,講起股市,佢話上年升幅唔小,今年應該唔會再大起大跌,所以都唔擔心,會繼續認購新股,對中糧、中信銀行都有興趣,最緊要睇吓有冇潛質。
呢幾日中糧招股,咁佢認購幾多呢?彤叔竟然反問今日招股咩?真鬼馬。佢話要睇吓分析報告先決定。嗱,彤叔認購都一定做功課,散戶要學吓,咪人買你買,自己買咗乜都唔知。
除咗買股票,買地皮都係彤叔杯茶,下個禮拜大埔有三幅地皮拍賣,佢話三幅地都有興趣,至於定期拍賣好定係勾地好,就見仁見智,佢冇乜意見。反而對今年新落成住宅單位只得萬二個多啲,佢話太少喇,今年經濟向好,樓市穩定,因此估計樓價會升8至10%,新世界會睇情況加推樓盤,年內亦會推出紅灣半島咁話。
LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載