› 選擇地區
三藩市
紐約
洛杉磯
其他美國地區
香港 台灣 北美
 
2007年03月09日

金手指:破解格老發炮之謎典型香港自大狂 - 孫柏文

上星期四國金眺望一欄嘅總舵主方卓如兄話,佢喺內地電視台見到有位基金業界朋友,見到上個星期大陸股市大跌,唔單止冇揦埋口面,亦都冇講一啲托市或者叫人趁低入貨嘅說話,反而嗰位大陸基金人士仲沾沾自喜,同電視節目主持人講中國經濟有幾威水,點解𠵱家中國有能力拖低環球股市,大陸股市跌8%,花旗國跟住跌400點,仲唔係中國已經「和平崛起」之類嘅題目,所以,方卓如兄「定性」呢位大陸老兄為自大狂。
我當然非常同意方卓如兄嘅講法,不過,諗番起孫柏文仲喺花旗國讀書嘅時候,亦都曾經出現過好似𠵱家大陸基金人士有嘅「非理性亢奮」。話說喺97年秋季嘅時候,孫柏文中午返學時,聽到財經啦啦隊台CNBC嘅新聞話,個市跌咗百幾點,到我四點幾放學嘅時候,撞到當時兼職做緊receptiondesk嘅花旗國黑人同學,佢劈頭第一句就問我:「Dude,whathappenedinHongKong?」
我:「Yo!What'sup?香港大跌!」
黑人同學:「花旗國股市跌停板!」
我:「Ohno!really?」

年輕與無知

當時,孫柏文身為香港仔,都不期然沾沾自喜咗一陣,因為嗰時我覺得,美國當年自87年有停板機制之後首次停板,係因為受到香港股市拖累,證明香港都幾有影響力。不過,97年嗰次香港跌市,其實係之後折磨香港多年金融風暴嘅開端。
現在諗番起,孫柏文嗰時真係太過youngandnaive。大家可能會問:「咁同今日有咩唔同?」今日孫柏文已經好咗一半,就係已經冇咁年輕!
金手指網誌: http://phatdat.blogspot.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載