› 選擇地區
三藩市
紐約
洛杉磯
其他美國地區
香港 台灣 北美
 
2007年06月21日

中環在線:羅兵咸揀合夥人棄港取中 - 李華華

羅兵咸永道全球首席執行官沈德培(中)指,新加入的內地及香港區合夥人當中,36%為女性,旁為上海主管合夥人顧宜(右),左為中國市場主管林怡仲。

喺金融界,專業嘅香港人才一直好吃香,但隨住內地開放,在外資公司衝擊同「教育」下,內地人才只會越嚟越多。羅兵咸永道噚日委任55名中國大陸及香港區嘅新合夥人,當中大部份來自內地,有40位,來自香港嘅只有15位。

有錢未令人做好份工

羅兵咸全球首席執行官沈德培,噚日喺上海公佈呢個消息時話,呢次任命,係公司本地化策略嘅重要一步,佢哋會繼續培育內地人才。而計埋呢55個合夥人,內地同香港共有330人,員工就約8000個。
都啱嘅,與其由香港請人北上,不如「自給自足」,喺當地培訓專才,成本都輕啲,不過,呢一步唔易做,羅兵咸喺內地已經有成百幾年歷史,但都係近呢幾年內地肯開放,民智成熟咗,佢哋先行到呢一步。
沈德培一再強調人才嘅重要同埋佢哋有幾重視,仲話高薪係挽留人才嘅重要因素,但能夠令佢哋留低,唔代表可以令佢哋全力以赴做好呢份工,最重要大家理念一致,令員工感受到自己嘅存在價值喎。打工仔又係咪贊成佢嘅講法呢?

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載