蘋果日報 | APPLE DAILY
› 選擇地區
三藩市
紐約
洛杉磯
其他美國地區
2007年10月07日
馬上成為壹會員

國際網絡:搵工咪老作 最緊要老實

𠵱家啲招聘廣告,好多都要求職者有相關工作經驗,如果一個啱啱畢業嘅同學仔,讀書嗰陣冇做兼職,冇工作經驗,咪永遠搵唔到工?唔通真係要老作啲經驗出嚟俾人睇?
網友louislee2004喺《Uwants.com》討論區留言話:「作經驗唔係問題,但唔好作得太過份,最好作parttime,話攞唔到工作證明,除非你有高學歷或特別專長,如果唔係,冇經驗好難會有人請。」
佐佐木都同意作經驗搵工,「冇經驗好難請你,除非係大公司,有人手train人,細公司好少請冇經驗嘅人,train新人最少要1個月,細公司應該冇咁嘅時間。」

有準備又醒目大企爭住請

身為公司管理層嘅azotse就覺得,作經驗唔係咁好,「我希望個個嚟見工嘅都開門見山,做過乜就寫乜,想要咩薪金就以自己嘅能力寫上去。其實見工,好重視你之前有冇對間公司做過資料搜集,有做過就可以畀人一個好印象,而且最重要都係有誠意。」
hykane好認同,「其實有冇經驗,根本冇得作,就算請咗你,老細都一定睇得出你有冇經驗,爭在會唔會炒你,如果真係冇經驗,可以講吓喺學校參加過咩活動,自己有咩過人之處,呢間公司唔請,咪當佢唔識貨囉,或者有間更好嘅等緊你呢」。
作經驗真係唔係咁好,見工嗰時醒目啲、準備充足啲,咁實有大把公司爭住請你!

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載