蘋果日報 | APPLE DAILY
› 選擇地區
三藩市
紐約
洛杉磯
其他美國地區
2007年11月23日

家長5規條之首 勿說英語

15,075

仔女英文好,好多父母都會成日同佢溫書默生字,每晚仲讀英文故事書畀佢聽,會買英文歌影碟等材……咁都錯?國際語音學會講師 Derek Kwok話,除非你有西人口音,否則父母始終都係港式英文,咁小朋友仲邊有機會青出於藍?所以 Derek話家長要嚴守5項規條,咁先可以幫子女學好英文!

記者︰劉昱蘭 
攝影︰譚盈傑、陳陶鈞、梁細權
Model︰ Michelle、豐豐( The Group)

1.港式英語遺害大

香港父母最普遍兩大港式讀音錯處係︰1.讀英文句子唔識乜係 weak form(弱讀),所以西人有字讀得好輕時,我會聽唔到係乜。2.唔識連音( Linking),如 can、 for、 to、 at、 was等字會讀到分開晒,尤其幫仔女讀默時,每字都大聲清楚地讀晒出,咁會好影響仔女聽 native english的能力。其實小朋友的吸收力就好似海綿咁,你講乜佢聽乜,父母港式英語聽慣就會學錯晒讀音,到時想改就難。

父母子女齊學讀音

要學最正確語音,不妨上親子拼音班,除小朋友學到正確發音外,父母又可以知錯而改正讀音,加埋同小朋友一齊同步學習,感情都會好

2.唔好逐隻字讀

小朋友小宇宙無限大,大人好多時驚佢聽唔清,如在默書時會講好慢英文,藉以遷就其英文程度。其實兒童在7歲左右,已可聆聽快速英語,4-7歲係學拼音黃金時期, K3開始音標發音作最初步認識,將音當歌仔咁唱,用一年時間打好底,平日多播西人英語營造純正英語環境,到小學就可以發展得好快。

3.讀字要準確

如果真要在子女面前讀英文,每個讀音就不能掉以輕心,尤其是尾音絕不能缺,須知讀語言水平好多時就係差少少就立見高下,所以無論幾簡單都要講究。

買發音英英字典

除了上拼音班,父母都要搵純正導小朋友,除方便易懂英中字典,都要有本附有電腦光碟版的英英字典,打個字就按鍵發音,清晰過詞典機同網上字典好多。

半數大學生發錯音

想知生字係咪越簡單越易錯,我大學做個簡單街訪,訪問20位同學仔,叫佢讀生字,結果發現讀錯字的人有一半以上。

Confirm──讀錯人數:13

Year1 BBA學生 Hideep︰「我都讀唔準,原來"Con"輕發個懶音先係最正確。」

正確: ken'f:m( Con音輕而快)

Music──讀錯人數:11

Year1 BBA學生 Jenny︰「我以前已知 Music尾音有個"k",不過讀單字時懶忽略。」

正確:'mju:z k( k音要輕快)

Purchase──讀錯人數:12

Year1社工系學生 Moly︰「照分音節"Chase"會讀得重,原來要短促又輕聲。」

正確:'p:t s( chase要輕聲)

Encore──讀錯人數:15人

Year1物理系 Justin︰「中學學過要讀"On""Core",呢法文外借字係多人犯錯。」

正確: a'k:(音 On Call)

4.不能亂估讀音

以上學生犯錯,好多都係因為佢用 Phonics方法,即見串字直接推理發音,其實咁做好冇準則,容易讀錯。例如"confirm"一字中, con的音唔係直接 c拼 on咁讀,所以唔係睇個串法就讀得到。 Phonics對4歲以下幼兒,簡單用拼音法係有用,但絕對唔可以終生靠估估學英文。

學懂自查國際音標

Derek話音標( Phonetic Symbols)才是最正確發音準則,所以要小朋友查字典查音標係終極學習目標。例如正在上親子拼音班的陳太,其囝囝 Cyrus得閒會打開字典,隨意抽字玩拼音,而且仲培養到每當唔識發音時,自動查音標唔問人的獨立自學精神。

5.選擇買視學

坊間好多貴價材,用電視或電腦作學習媒介,形式好吸引,但小朋友習慣豐富刺激媒體學習,就好難讀書學,冇閱讀意欲對長遠英語發展會有阻礙。

圖書館借 Audio Book

有聲書係西人小朋友用學英文主要材,即係有隻由西人朗讀光碟,同時可以睇書又可以聆聽,易掌握發音同打好聆聽基礎。 Derek路唔使買晒,可去圖書館借 Audio Book(有聲書),就唔使擔心材費太貴。

材3級制

1.先畀小朋友看少字多圖有聲書, Derek話囡囡都聽呢套 Oxford Reading Tree。
2.然後試播簡化名著故事, Black Cat系列夠齊全, Derek每日都將 Peter Pan古仔播畀囡囡聽。
3.正統 Audio Book係冇書,因為佢照書讀,錄好音隻碟就叫 Audio Book喇,冇書齋聽都明就係終極目標喇。

國際語音學會──親子英語語音班

內容:基礎拼音及改善弱音、連音及語調結構
收費︰ $1,8001位家長+1名子女/ $2,7003人(共10堂連材)
開課日期︰08年3月2日
查詢︰23887271 
網址︰ http://www.ipa.edu.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載