› 選擇地區
三藩市
紐約
洛杉磯
其他美國地區
香港 台灣 北美
 
2007年11月27日

中環在線:唐雙寧「光大淨得子彈冇用」 - 李華華

唐雙寧愛書法,上周末一氣呵成寫咗王昌齡《從軍行》,末句係「不破樓蘭終不還」。 資料圖片

光大銀行重組懸而未決,較早前光大集團同中央匯金投資,就匯金入股光大銀行一事達成協議,聽日(28號)光大銀行就會開股東大會,睇吓呢個匯金注資方案能唔能夠通過,通過咗,光大銀行嘅重組先可以繼續。
《中國證券報》早幾日訪問咗前銀監副主席、現任光大集團董事長唐雙寧,佢用咗個好生鬼嘅比喻,形容光大改革嘅複雜性,佢話:「國有商業銀行是國家注資的,『子彈』上膛即可發射;光大係股份制,淨係得『子彈』唔掂,仲要絕大多數股東同意。」
自從受命到光大,唐雙寧負責重組內地首家金融控股公司,可謂挑戰重重,佢形容,「光大是聯合國,我是聯合國秘書長。」原因係光大嘅公司股權結構複雜,透過持股或者聯營持有百幾家公司,佢仲好幽默咁將光大銀行比作美國,至於光大證券就係英國。
不過,乜都係假,對於唐雙寧嚟講,埋身挑戰就係聽日光大銀行股東會,所以即使接受訪問,佢都不忘「拉票」,游說光大銀行股東,「重組後,蛋糕做大咗,老股東雖然比例縮小,但權益會增加。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載