› 選擇地區
三藩市
紐約
洛杉磯
其他美國地區
香港 台灣 北美
 
2008年06月06日

中環在線:卓悅老闆愛做白老鼠 - 李華華

睇落葉俊亨啲皮膚真係幾好,究竟邊件產品咁有效? 丹琍攝

卓悅控股(653)噚日喺土瓜灣大本營開股東會,主席葉俊亨同華華講,嚟緊會放多啲時間搞醫學美容,佢仲親自試過啲彩光同射頻技術,發覺皮膚真係firm咗好多,佢仲爆料話,佢啲妹成日去蒲,所以個個都好勤力做treatment!
葉俊亨唔止自己做白老鼠,佢話,以前每次有新舖開張,佢同老婆都會親身試吓啲護膚品,冇問題先賣出街,大大話話試過萬件產品,咁耐以嚟都未試過敏感爛面,不過,佢就冇試過自家嘅facial同按摩服務,皆因呢啲項目一試就要兩三粒鐘,所以留番畀老婆。
呢排市場流行講「兄弟內訌」,兄弟姐妹多嘅葉俊亨好老實咁話,除咗自己,老婆同其中一個細佬葉國利係董事,另外仲有4個屋企人喺公司幫手,但唔會怕有爭拗,因為個個都有自己崗位,分得好清楚,況且公司係自己創立,仲係第一代,唔似得人哋係老竇剩落喎!

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載