› 選擇地區
三藩市
紐約
洛杉磯
其他美國地區
香港 台灣 北美
 
2009年08月10日

中環在線:王軍幫麥紹棠做義工 - 李華華

王軍專責幫中建資源睇住林木業務生產同發展。
資料圖片

近期中建系老闆麥紹棠又有搞作,今次同中信集團間接拉上關係。佢旗下中建資源(8163)宣佈,委任中信集團前董事長王軍做顧問委員會主席,專責向公司經營林木業務、棕櫚樹種植同棕櫚油生產提供意見。
王軍來頭有幾勁唔使華華詳細多講,佢老竇係已故中共元老王震,王軍掌管中信集團長達11年,直至06年先至退下火線。除咗王軍之外,麥紹棠同時委任徐錠明同李常蔚做顧問委員會副主席,佢兩位來頭亦唔細,徐錠明從事國家能源計劃多年,現任國務院參事兼國家能源專家諮詢委員會主任;至於李常蔚係軍工背景出身,曾經做過已故前國家副主席榮毅仁嘅特別助理,同中信集團都有啲淵源。

顧委會正副主席無收人工

麥紹棠解釋,呢次委任係因為佢哋同國內資源同能源部門領導有良好嘅人脈關係,可以幫助公司長遠發展咁話。王軍等三人今次出任顧問委員會正、副主席,並冇收取任何袍金同薪金,但華華諗佢哋冇理由唔收錢幫麥紹棠啫,唔通大雞唔食細米,日後有更筍嘅大茶飯?

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載