› 選擇地區
三藩市
紐約
洛杉磯
其他美國地區
香港 台灣 北美
 
2011年04月28日

敏妮Talk:偽房產專家 - 溫敏妮

噚日賣地,由於屬市區地,預咗多人爭,麪粉貴過家陣賣緊嘅麪包,樓價有乜理由唔升。港府搞唔掂樓價,大陸政府面對高樓價一樣頭痕。所謂「亂世必有妖孽」,最近收到地產界朋友嘅電郵,附有一篇內地報紙文章,甚具可讀性,公諸同好。

內地文章揭樓市謊言

文章以「揭露8類偽房地產專家不可不知的樓市謊言」,舉出內地8類所謂專家點樣對樓市作出分析。因為篇幅所限,敏妮再將8類歸納,首先第一類係「國策型」,呢類專家,好識得根據國家政策、稅制變動做結論,話樓價會跌。如果國策對樓價影響可以立竿見影,咁中央就唔使不斷施壓啦!
另一類敏妮稱之為「口輕輕」型,就係講嘢模稜兩可,唔怕得罪人。仲有就係只提出問題,但唔會有解決辦法跟尾,呢類專家相當容易做,因為齋「吹水」,咁茶餐廳阿叔都可以係專家。不過咁,專家同茶餐廳阿叔唔同嘅地方,就係學識「可能」比較廣,所以亦引伸出另一類專家,就係必定引述西方國家規律,甚至非專長跨界指東指西型。呢類專家眼界比較闊,因為可以經常到國外考察,但見多未必識廣,因為通常都係依書直說,缺乏分析。
好多嘢大家會求教專家,希望佢指點迷津,專家嘅優勢可能係早一啲攞到資訊,分析力未必高過大家,自己做功課,信自己,即使輸都甘心。

溫敏妮
http://wanmanli.com/blogs/

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載