› 選擇地區
三藩市
紐約
洛杉磯
其他美國地區
香港 台灣 北美
 
2011年07月21日

魚樂無窮:招股書出錯 勞民傷財 - 唐牛

一切源於招股書出錯!唐牛早幾日收到銀行傳嚟嘅SMS,話要確認番之前所認購嘅高鑫零售(6808),否則就當放棄申請。諗住喺網上銀行戶口搞得掂,點知反轉成個網頁,都搵唔到辦理手續嘅方法,惟有打去客戶服務熱線問個究竟。
接聽電話嘅服務員話,只可以透過電話理財或者親身到分行辦理手續,唐牛即時火都嚟埋,因為冇用開電話理財,從來唔知密碼係乜,亦唔諗住同公公婆婆爭用櫃枱服務,加上本身係用網銀申請,點解唔可以用網銀解決呢?經過十幾分鐘嘅擾攘,最後先至圓滿解決。
高鑫今次招股收近兩萬份申請,如果每人都要花十幾分鐘搞手續,你話幾咁勞民傷財。咁啱證監噚日出咗新嘅投資者教育刊物,提醒散戶抽新股時要睇清楚招股書內容,以評估風險。唐牛睇完之後,真係唔知好嬲定好笑,證監咁得閒搞呢啲花臣,不如畀心機睇實啲保薦人做嘢仲好啦!
唐牛

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載