› 選擇地區
三藩市
紐約
洛杉磯
其他美國地區
香港 台灣 北美
 
2011年08月30日

中門大開:雲格教主 - 添馬男

周日曼聯屠殺阿仙奴,不忍卒睹,60分鐘已關機。今時今日仍願做阿仙奴球迷,相信是抱着Cult迷心態,即係心態上已當雲格係邪教教主,相信末日遲早降臨,要帶雙氧水上山避劫或迎接UFO。

難能可貴的領隊哲學

英國《每日鏡報》仲刻薄,開季時刊登了AnnieEaves創作的TheSecretDiaryofArseneWenger,寫雲格的心境,假「日記」透露老婆話屋企浴室要防滑墊,雲格卻買了浴簾回來,佢解釋因為當時浴簾有折扣,平時買會好貴。老婆話想飲杯Latte,叫佢出開去順手買杯,雲格買了咖啡機、咖啡豆、磨豆機及牛奶返來,佢解釋因為自己動手冲一杯咖啡,享受當中過程有更大樂趣。AnnieEaves真係一針見血。
當今球壇一眾富豪老闆大灑金錢,財大氣粗要邊個有邊個,遠在俄羅斯苦寒之地高加索地區球會安捷,可用天價購入伊度奧,還打算搶購曼聯隊長維迪,由此觀之,雲格的領隊哲學更顯得難能可貴。
雲格可能太天真太儍,但他對抗的是中東俄國石油霸權、老細足球、有錢大晒、戰術成績掛帥。
我認為香港雲格信徒會有多冇少,除了鄰居盧先亞主席、盧覓雪外,一班80後社運人士:好似朱凱迪、林輝、周澄、FM101……一切支持打倒地產財閥霸權的小眾社運團體,都應視雲格做教主。
我是20年曼聯迷,但也尊敬這位對手,相信費爵爺也一樣!
添馬男

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載