蘋果日報 | APPLE DAILY
› 選擇地區
三藩市
紐約
洛杉磯
其他美國地區
2011年09月16日
馬上成為壹會員

中門大開:Don'tYouWantMe - 添馬男

老友來電相約去睇《TheHumanLeague》演唱會,80年代人人都曉唱兩句金曲《Don'tYouWantMe》,主音PhilipOakey當年濃妝妖艷似BoyGeorge,今日變了光頭佬,兩位伴唱美少女也變了Auntie。80年代英倫新浪漫、電子音樂是我們同代人集體回憶,當日陸佑堂聖誕舞會中DJ播出DepecheMode金曲《Somebody》,不少女生就此獻出初吻。
80年代之浪漫,是因為大家都相信明天會更好。當我們在陸佑堂沉醉於《Somebody》之際,中大學生會就寫信畀趙紫陽,支持回歸,但也希望民主治港,當時總理覆信中大學生會表示:「會以你們的方式民主治港」。今日80後係無法想像當日中國政府嘅開放,當時政治改革係可以公開爭論,今日當權嘅王岐山、李克強是這美好時代見證。
可惜歷史不一定向前走,也可以向後退。

取消區議會委任制 花掉20年

政府剛公佈區議會取消委任制時間表,先取消三分之一,2020年才全面取消。1992年肥彭政改方案首先取消委任制,且一步到位,97後臨立會又恢復。一個冇實權嘅地區諮詢組織取消委任,竟要花掉超過二十多年光陰。是進步還是退步?
仲有1996年第一任行政長官選舉,參選者有4位建制中人包括老董、吳光正、李福善及楊鐵樑,還有一位民間特首候選人司徒華,董建華仲與華叔會面交換政見。到了第二屆建制候選人只有老董孤家寡人;中途換馬第三屆又只有煲呔一位。到第四屆了,近日又見一眾大佬鼓吹中央應派一位候選人,要安全系數爆燈,風險減到零。進步咗定退步咗?
政治風險其實唔係加減數,如果特首冇一個似模似樣嘅競選過程,一上任就會變弱勢,因要討好各路撐場人馬還政治債,政治面目模糊。老董議而不決,決而不行,又豈止性格優柔寡斷,而係弱勢特首要討好各方而不斷妥協,欠缺政治力及自信去推爭議政策。
《Don'tyouwantme》是80年代世紀情歌,講怨偶互相控訴,男的質問「冇我撐妳,妳會有今日?我捧得起妳也可摧毀妳」;女的還擊說「儍嘅,有冇你我一樣會成功,我要做回自己。」在中國式選舉下,這種怨偶政治將會一再重複出現。
添馬男

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載