› 選擇地區
三藩市
紐約
洛杉磯
其他美國地區
香港 台灣 北美
 
2011年12月08日

中門大開:SimonKuper - 添馬男

《金融時報》專欄作家SimonKuper係我偶像,因為佢寫時評抵死好笑,更抵死係,佢根本唔係政經評論出身,而係足球作家兼足球板球評論員,即係黃興桂寫球評寫到變咗蔡子強,你話幾厲害。環顧香港評論員,寫時評又寫足球,兩瓣都睇得,只有中大教授馬嶽一人。

背後有數據非亂噏

Kuper同Szymanski合著《Soccernomics(足球經濟學)》(圖)一書,用嚴謹治學態度、量化數據,拆解球迷傳統偏見,例如本地評述員會質疑,點解英格蘭國家隊表現多在水準以下,Kuper從人口、天氣去解釋,認為在此條件下,國家隊表現其實在水準之上,只係英超外來球星撐起球會,造成英國乃足球強國的誤解。
好多人又批評太多外國球星,影響本地球員水平,令國家隊走樣。Kuper分析正因太多主力打英超強隊,而英超乃世界上最艱苦之比賽,球員殘晒無法為國家隊作最佳表現;佢並非亂噏,背後有數據支持。過去6次國際大賽包括世界盃歐洲國家盃,國家隊共射入38球,當中25球係上半場射入,原因下半場已冇電。佢認為若計算財富數量、人口多寡,及人均收入,洪都拉斯及伊拉克國家隊係最超水準。
SimonKuper寫時評亦有料到,好似《金融時報》專欄OpeningShot,題材多元化,信手拈來,有自已角度。最近他寫了篇文章,值得討論,Kuper認為西方選舉政治已告別了傳統IdentityPolitics,即關注政客私人道德及道德議題立場,好似美國的性與種族議題、英國則是Gay及單親媽媽、意大利則是神。歐債危機下經濟掛帥,人民轉而關心起債務、歐元、希臘公共開支。
但我眼見香港剛好適得其反,只關心無關痛癢的個人私德及處事作風問題,對真正經濟議題大家都側側膊,唔多覺。
添馬男

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載