› 選擇地區
三藩市
紐約
洛杉磯
其他美國地區
香港 台灣 北美
 
2012年03月01日

青心直說:唔信一姐入政府 - 胡孟青

女人天下,社會縮影,滙恒一姐,可見一斑;窩囊之男,接二連三,榮登頭條。連累自命質素高人一等的香港人,被陷於不義兼淪為同胞笑柄,競選特首的唐唐,好醜都要擺老婆上檯頂一頂,背靠祖國,也背靠女人;一位走出來眼濕濕自認對裝修奄尖有要求,另一位被屈「天生儲物狂」;屋大人稀,風水大忌。
屬龍的一姐乘「登六」之機,申請退下火線享受人生,這位長袖善舞八面玲瓏的一姐,自從周一宣佈榮休,傳媒每次問及會否將加入政府,她總以笑騎騎回應,答案已呼之欲出。
反觀何解一姐登六即閃,相信係銀行家形象今非昔比,生意難做,監管多多,反正漸覺無癮,自然以「吾老矣!無能為也矣」做借口,趁「行得、玩得、走得、食得」就閃。遺憾任內未能「養熟」接班人,「三年養唔熟,咪再等三年」,好想知道班員工聽進耳裏會否百般滋味。
臨近換屆,退休時間自然極度敏感,令人相信想撈番一官半職更上一層樓。以一姐一貫之上進與野心,其目標應不止於入政府,肯定想得更高層次。因此如要話一姐入政府,我唔信,佢應該冇咁蠢。反正誰坐特首之位,都係鵪鶉一隻,因為唔鵪鶉就唔慌坐得幾耐,而且以一姐江湖地位,轉邊個行頭都好過入政府。反而金融界梁朝偉早已第一時間歸邊撐唐,算了!無謂揣測!

突顯滙恒青黃不接

講番玫瑰姐,投資者絕對有信心,以其江湖地位,當年山頂大屋豪門夜宴之賓客陣容,及過去於滙豐曾經負責睇住大陸一瓣的經驗與歷練,是信得過之人才,然而以其亦屆即將「登六」之齡突然翻兜,更突顯滙恒之青黃不接,唔通裏面真係冇人?冇人才?冇信得過之人?算了!亦無謂揣測!

胡孟青
獨立股評人

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載