› 選擇地區
三藩市
紐約
洛杉磯
其他美國地區
香港 台灣 北美
 
2012年03月01日

中門大開:大逃亡 - 添馬男

「地獄內閣」即使未成真,但一眾政務官已心寒,在7.1前後續上演添馬大逃亡。

特首選舉亂局,加上批鬥煲呔將佢打成「曾水扁」,令一眾政務官好心寒,不少青壯官員正搵後路。7.1前後添馬大逃亡會陸續上演。

7.1前後 政務官爭跳船

自引入及擴大問責制後,一批業餘政治人當上副局長,早已傷盡了上位官員的心。但因今屆內閣局長以政務官出身為主,他們與常任秘書長早有淵源,同屬政務官系統,亦知官僚的蠱惑招,所以常秘及下一級AO也唔敢「胡混」局長。當然他們的角色也由主動變為被動,凡事等局長落柯打才會做。
常任秘書長是特區管治的核心階層,冇佢哋支持,政府寸步難行。大家只要睇睇上星期出席立法會內務會議,討論西九門時,常秘楊立門面對挺梁議員全方位攻擊,為振英開脫時,佢保持淡定,有條不紊作回應。此等歷練乃多年來出席立法會大大小小質詢、動議及委員會所得,唔係求其在街外搵一位專業精英可比。你睇佢哋唔派副局長許曉暉落立法會就知,政務官根本質疑佢能力,即使局長曾德成,早前回答議員質詢,一樣答到烏哩單刀。

添馬氣氛 似鐵達尼沉船

「地獄內閣」即使未成真,政務官早已知其底細,他們並非被振英手段嚇退,官員的心結是自命精英,睇唔起呢群梁營中人。因為梁營系出非主流派,張震遠自己檔期貨交易點同港交所鬥,任志剛、陳德霖又點會甘心將金管局之獨立自主權交比振英,大家心知往後政府內部將政爭不絕。
政務官見勢色唔對,梗會盡快搵定條後路,在7月1日前搭定路去法定機構,及早離開熱廚房。只怕法定機構高層職位不多,近兩年已有幾個上位政務官跳船,出任法定機構高職。人人爭住跳船,而座位有限,近排添馬總部高級官員之間的氣氛,同鐵達尼撞山前差不多。

添馬男

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載