› 選擇地區
三藩市
紐約
洛杉磯
其他美國地區
香港 台灣 北美
 
2012年03月01日

好不主席:曾大「班」屋 - 盧先亞

大班以前同煲呔出席公眾場合一見面即雞啄唔斷,旁邊仲有唐唐。資料圖片

本來想等埋曾特首出席咗今天立法會會議,聽完「鬥噏」後先講間「曾大屋」,不過噚日睇完佢嘅忠實盟友喺他報嘅專欄,都真係忍唔到手,先寫為快。

小罵大幫忙 反駁欲加之罪

大班首先言明身為特首的朋友,對45年「規行矩步」嘅公務員竟不知避嫌,以致身陷險境,實感可惜,雖則他「問心無愧」!連特首個心真係有冇「愧」,佢都可以一口咬定,所謂推心置腹,確係真正朋友。然後輕叱一番,特首亦不過「自以為是」,沒有事先申報利益,偏離現今公眾對政治人物的操守和道德要求。口徑對照特首解畫幾乎一樣,自己只是差在沒有「更加美白」!言外之意還不就是因為市民苛索和社會的錯。
小罵之餘,當然要幫大忙,所以大班搬出很多理據和事例去說明,針對特首的指控多是混淆視聽和欲加之罪。我沒有坐過私人飛機,也沒有過千酒藏,在這方面我哪有資格說三道四,不過剛好對樓宇裝修有點個人經驗可供分享。大班文中提及豪宅的裝修費用一般是1000元一呎,而深圳的人工和物料卻便宜得多,因此300多萬的裝修費合理得很。不知道大班是很久沒有為名下物業做裝修,還是他付的都是友情價,或者特首口中堅稱的市價?定係佢都好耐唔知內地嘅(物價)騰飛程度!
我的居所(樓價都未及特首喺麥當奴道嘅祖居),前幾年進行翻新,埋單計數「簡約風格」嘅裝修連家具都圍到千幾蚊呎,而呢幾年啲人工同物料都係有加冇減。物業若然只需要有最基本的門面裝修,當然會平啲,不過絕對唔係「曾大屋」嗰隻囉,又要有高級名牌浴具,仲要可以擺放同保存大量古着(曾太做女嗰陣啲衫吖嘛!)的衣帽間,至於其他豪華設施,有排得計。

裝修公司爆料 要1400萬人仔

咁話哂工程喺深圳,點都會平啲啩?又真係平少少。咁啱最近幫我深圳嗰邊寫字樓做裝修嘅公司,都有做埋豪宅嘅項目;咁啱佢哋又做過好幾間東海花園嘅裝修,價錢都要近千銀。咦,咁曾特首間屋嘅裝修咪真係要成千個!原來唔係……因為嗰間公司年前又咁啱獲邀去做該屋苑有單會所轉做出租單位嘅裝修,一切設計已經準備就緒,每一細節都有板有眼「規行矩步」,仿似度身訂造。不過最終間公司都冇接,應該講係唔敢接呢單工程,因為怕既定合約費未必能抵銷成本,而嗰份合約的總額冇多冇少係1400萬人民幣!!大班長袖善舞,有啲枱底數你實識計過我!!

盧先亞

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載