› 選擇地區
三藩市
紐約
洛杉磯
其他美國地區
香港 台灣 北美
 
2012年05月23日

利字當頭:俾人偷又俾人敗 - 利世民

好一段日子沒有見到孫柏文,昨天趁我回美國過MemorialDay之前,約了他、高明和獅子山學會新晉祝越山晚飯,肥仔劈頭就問:「你知唔知,新加坡揸咗幾多歐債?係GDP七成呀!如果俾人迫削債一半,哈哈,咁就等於唔見咗左三成幾GDP。呢的仲唔係Contagion?」
「高明,你點睇呀?」我問。「今次,新加坡都算為地球文明有番少少貢獻。」高明乃少數永遠的樂觀派,凡事都可找到一點正面的訊息。
「我覺得始終都係淡馬錫嘅問題。咁多年來,淡馬錫令到新加坡人以為,搞到好似投資一定贏。我有理由相信,買到成手貨,其中一個原因,一定同CPF有關。香港竟然有人話新加坡CPF好;如果真係爆埋,CPF呢個『海南雞老人大鑊飯』真係香噴噴囉。」祝越山過去一年在新加坡生活,但心繫香港。
「唓,其實淡馬錫都衰咗好多鑊啦!之前,入股投機銀行,一樣爆鑊啦。OPM(otherpeople'smoney),輸咗又有乜所謂。哈哈,好似上海社保……」高明說。
「唔可以咁講!上海社保,俾人偷得幾多吖!香港強迫金AllCash嗰啲Plan都收成1%管理費,點只偷呀,直頭係搶!」孫柏文終於出聲。
偷,搶,強迫,不會明目張膽,也有好好聽的包裝。由歐洲,擴展到全世界的,不單止是債務危機,還有那種不事生產的精神。不,有人話,退休是人權。對不起,我知道很多人都想退休,但請明白退休是一種奢侈。你可以為自己的退休努力,但不要天真以為,全世界都有責任照顧你的退休生活。

利世民
http://www.facebook.com/AppleSimon

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載