蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年06月09日
馬上成為壹會員

周年專題:香港樓市No.1

未到年尾搞甚麼「回顧」呀?是咁的,《家》周刊面世剛啱一周年,盡見多個令人津津樂道的「第一」,所以請大家一齊回味喔。

呎租第一:天匯

呀……當我第一次知道要拍天匯廣告的時候,其實我是拒絕的!因為我覺得……呀……你不能叫我拍、馬上拍,第一,我要住一下,我又不想說……你拍完以後加了很多特技,那樓啊……很高!88樓咁高!結果觀眾一定罵我,跳了層根本沒有那麼高!那……住了這個月……住得好舒服。現在呢……每天還在住!但7622呎的88樓複式以125萬元被租啦,呎租164元,創新高喔。那我跟四叔講,我由88樓跳落68樓都得吖,差一層咋,個景也是這樣子!

型格第一:OpusHongKong

他的外表凸顯西洋美學對線條的追求,一柱擎天,屹立不倒,直立式設計加入旋轉概念,扭動的身形,莫講話熱愛拍攝的劉公子會為之動容,路人行過都忍唔住要影番張。他,就是太古東半山超豪宅─OpusHongKong。
所謂一分錢一分貨,如此靚仔的建築物價值不菲,並已經有疏爽富豪以每方呎14萬洽購,如果順利成交,將會成為亞洲及世界分層單位呎價之冠。而孕育這座「第一」的太古地產,開宗名義是以出租為先,好價才賣,呎租是110元,月租72.6萬元。OpusHongKong,我想住嘅地方……可惜住唔起。

推銷第一:天宇海

由5樓跳落街都死唔去?歡迎來到天宇海。李家能夠把平台當「地下」、1樓叫「5樓」,這種表達手法,將中國望文生義的漢字文化瓦解,繼象形文字、倉頡輸入法後,推出全新「李字」,偉大文化先鋒之名,當之無愧。

港樓第一:喜雅

我喺長沙灣港鐵站,用45度角睇住「港人港樓」喜雅,it'scute,exactly係呢度。入到去,見樓價最少380萬,alittlebitof貴喎。我hold住兩三秒,唔好太興奮,就算sayyes話買,都唔好sayyesto佢provide嘅樓價,成八千蚊呎,波動市喔,收到coldcall,要比佢早收線,要捉到個低位……但係,八千蚊房協樓都大把人吼,我冇樓,個status會低咗……我入票了……

誠實第一:利嘉閣

日做夜做冇停手,不外乎為一家三口買塊瓦仔遮頭,辛苦經營總算儲夠首期,但樓價越升越有,躊躇不決之際,他給我「家的感覺」,像盞指路明燈,替我找到面積753方呎、叫價410萬元、位於荃灣的單位。在家庭總收入平均約2.1萬元的年代,這絕對、絕對是「窮人恩物」。

速銷第一:御悅

好,跟住呢場係細價樓短途賽,其實呢啲質素嘅樓,要賣幾百萬真係好難嘅,地方細位置又唔係好,冇乜好講,咁惟有搵啲嘢嚟講,不過香港樓係咁,高班低班都係咁好賣㗎啦;呢啲咁嘅樓如果喺外國可能賣緊幾千蚊港紙一呎,而香港尤其細價樓係全世界第一高嘅,咁細有咁高樓價睇番真係好着數,所以你話業主平平地入啲五班樓咪好抵玩囉,咁做得業主,梗係個個想入個凱旋門㗎啦,睇番咁嘅水準,真係冇乜嘢好講,夾硬搵啲嘢講.....
預備,預備起步,預備、預備、預備……一出閘嗰陣呀,應聲彈出嘅御悅,唔使個半鐘到終點,沽清晒啲貨,御金.國峯亦係唔慢㗎喎……不過都係唔夠御悅快。

指數第一:CCL(104點)

中原樓價指數(CCL)唔係未穿過,佢試過回落,日等夜等,郁得嗰零點幾,但出面班業主,出面班業主呀,佢哋知全世界都跌咩?嗰個指數一直企一百點樓上,逐少逐少上,升到去歷史新高就好似唔識跌,咁叫正常咩?
你出去問業主,是但問個業主,問下佢哋仲敢買樓嗎?佢地答案好簡單,只係想要一個好回報嘅價!點解家中原樓價指數一直高企唔跌呀?因為啲大陸佬喺度買嘢呀!越有錢就越買得多呀!呢個指數正常咩?呢個指數正常咩?

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載