› 選擇地區
三藩市
紐約
洛杉磯
其他美國地區
香港 台灣 北美
 
2012年06月14日

樂香園:思捷的下場…… - 海迪

堂堂一隻藍籌,半夜三更鬼祟咁出張通告話CEO走人,噚日加埋主席唔撈,思捷(330)呢枚深水炸彈,令所有人下巴跌晒落嚟。思捷自邢李㷧火速抽身後,5年內總共走咗9個董事,幾乎咩職位都換過晒,如果計埋其他高層,平均每年就有2至3個人走。呢間公司到底係咪有蛇咬?定係有乜不可告人嘅「苦衷」呢?
負責思捷日常運作嘅執行委員會,90%成員都係呢2、3年先入局,絕大部份係由CEO范德施親自聘請。思捷內部人士曾經同海迪講過,思捷事無大小都係由范德施話事,其他董事好少干預。通常公司呢啲密集式跳船,一係牽涉權力鬥爭,一係就快出事爆煲,思捷屬於邊種?留待看官自行判斷。
思捷搞到咁,最後可以有乜下場?舊年思捷跌到得7至8蚊時(bookvalue大概11至12蚊),曾經惹來賣盤揣測,尤其係對冲基金LonePine係咁狂掃,最後夾爆大量淡倉。當時有兩名曾經接觸過LonePine嘅人向海迪聲稱,LonePine只係睇中思捷夠平,並無逼宮之意。
海迪都覺得收購思捷無肉食,不過有芬佬朋友就吹水話,唔可以睇少有儍仔嘅可能性,尤其係新任主席老柯,市傳係內地富二代嘅代理人。故事的發展難以預料,且待下回分解。
海迪

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載