› 選擇地區
三藩市
紐約
洛杉磯
其他美國地區
香港 台灣 北美
 
2012年06月26日

股場放大鏡:品牌失色 思捷落難 - 歐陽風

昨日幾家公佈業績的成衣及零售相關股,都出現疑似洗倉場面,其中全年多賺2%的互太紡織(1382),就下跌8%。互太業績看似平平,但按每股盈利62仙計,估值僅約7倍,派息由19仙大增至30仙,即近半盈利派予股東,連同中期及特別息共派70仙,非常慷慨,咁都要跌,一係反映市場預期十分高,一係就市場已預早反映好消息,下跌是預期來年業績不佳。

風光不再勿留戀

雖然價平兼高息,但見互太高台插水,正常投資者應不敢接貨。同業德永佳(321)業績後亦跌10%,去年盈利9.3億元,跌近18%,每股盈利68.3仙,末期息24仙,連同中期息僅50仙,估值略高於互太。
兩者每股盈利僅相差一成多,但德永佳每股要7.98元,互太僅4.88元,點會差咁遠?股票估值原來可以咁虛幻,真係唔識比較。
假如說德永佳有零售業務故估值較高,不妨睇睇思捷環球(330)。這幾年發生甚麼事大家都知,但真正了解品牌光輝一去不復再的人應該唔多,至少市場還有一大班Sellside分析員不斷唱好鼓吹撈底,Buyside亦至少有一個捧場客LonePine不斷增持。當年的體育品牌Yasaki、Reebok以至手機品牌黑莓、Nokia都曾風光一時變一沉不起,前車可鑑。
講開LonePine,此基金也不是未嘗敗績,2011年便曾以每股40至48元高位狂買濰柴動力(2338)至持股10.24%,結果同年下半年由34元開始不斷減持,每股狂蝕約14元。

歐陽風

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載