› 選擇地區
三藩市
紐約
洛杉磯
其他美國地區
香港 台灣 北美
 
2012年08月07日

希慎vs崇光搶客衝「金」
細劉:已預備招數迎戰

【本報訊】銅鑼灣希慎廣場將於本周五開幕,勢與一街之隔的崇光百貨(SOGO)搶客衝「金」(生意額)。但經營崇光的利福(1212)董事總經理劉鑾鴻似乎不擔心,倒希望希慎廣場「越早開越好」,增加區內人流。希慎興業(014)行政總裁劉少全認為,廣場開業後大家也得益。
記者:吳綺慧 陳新政 黃玉麗
攝影:梁鑑章

相關新聞:中期息增租金上揚 希慎核心純利升

劉鑾鴻(細劉)昨在利福業績會上多次強調,希慎廣場開業不會對崇光構成競爭,只會增加區內人流,歡迎「越早開越好」,「有人估佢哋有10萬人流,我唔知有無啦,但當中只要有三分之一係去完Hysan(希慎廣場)過嚟崇光兜個圈,對我哋都好有益㗎!至於你話會唔會佢哋10萬人流全部都喺崇光度搶返嚟,我認為呢樣嘢係唔會發生。」

盼競爭帶旺銅鑼灣

他又說,「有消費者鍾意去HysanPlace、利園,亦又人揀崇光、皇室堡,呢啲係佢哋嘅選擇。不過我想講,喺銅鑼灣有咁嘅百貨模式嘅,淨係得我哋囉!」對於崇光會否變陣迎接希慎廣場開幕,劉鑾鴻坦言,要不時給顧客一些「Excitement」(刺激),故已準備了不同的推廣活動,在希慎開幕期間推出。
對於來勢洶洶的希慎廣場,雄霸銅鑼灣核心零售地段多年的崇光表現「平和」,「挑戰者」希慎又有何想法呢?代表希慎的劉少全不認為希慎廣場是與崇光「打對台」,認為競爭可以帶旺整個銅鑼灣區,「唔係話我哋贏就佢哋輸嘅睇法,而係如果大家做得更好,整個銅鑼灣區都會得益!」
他說,並未為希慎廣場定下目標,「我哋係要將物業做得最好,但係咪要將希慎廣場做到成為地標,相信要由顧客同市民嚟決定。」
劉少全更指出,在構思和設計上看,希慎並無任何假想敵,「我哋只係想將銅鑼灣這個餅做得更大,附近嘅同業大家都得益,如果將銅鑼灣喺香港市民、遊客甚至外國人眼中提升地位,吸引遊客嚟嘅話我哋會好開心,邊個都有好處!」

相關新聞:符合預期銷售放緩 利福仍多賺13%

料希慎人流每日10萬

姑勿論「共榮」言論能否成立,本報昨在銅鑼灣進行的街訪發現,由於希慎廣場具有誠品書店及AppleStore等強勁品牌,無論是內地或本港消費者均對其有一定期望,新鮮感亦成功取得一定支持。
此外,券商麥格理早前估計,希慎廣場開幕後每日會有10萬人流,年銷售可達40億元;現時銅鑼灣崇光人流及年銷售額則為9.25萬及80億元。麥格理相信,短期內希慎廣場無可避免會對崇光百貨構成打擊,令同店銷售及利潤率受壓。

《消費者心聲》
SOGO人流太多

湖南遊客胡小姐
「視乎購物環境而定,SOGO人流太多,休息的地方太少了,地方舊,希慎有誠品書店,可以有地方休息。」

會去希慎廣場

成都遊客張先生
「每次來港,都會到SOGO,因為這裡商品齊全,購物環境好……但我喜歡看書,所以我會去看一看希慎廣場。」

誠品書店吸引

中學生甯小姐
「有新開嘅廣場(希慎)嘅話,都會去,因為已經常去SOGO,行厭了。有書店(誠品)更加絕對會去。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載