› 選擇地區
三藩市
紐約
洛杉磯
其他美國地區
香港 台灣 北美
 
2012年09月03日

異動空間:請回歸市場經濟 - 魏力

一個被民粹牽住走的政府,真可悲!經濟不景,但近月本港樓價屢創新高,中原城市領先指數升至106.89,高過97年,原因為何?不是需求太大,而是供應太少。市面冇盤,係因為政府年多前為遏抑炒風,推出額外印花稅(SSD)措施,規定買樓後兩年內沽出,要繳交額外的印花稅,變相投資獲利唔見一截。將心比己,如果兩年內賣樓要蝕章,咪兩年後先賣囉!冇人放盤,供應越來越少,樓價點會唔升?情況就好似貨源歸邊,街貨得5%,其他俾大股東及基金收晒,唔理基本因素係點,要炒上都易如反掌。目前全球宏觀經濟不景,人工冇得加,裁員陸續有來,供樓負擔能力成疑,加埋息口潛在上升因素,樓價本身已具備回落條件,只要政府取消SSD,業主可隨時放盤,鑑於賬面獲利甚豐,相信好多業主都會「賣咗先算」,造成供應增加,加上未來兩年新樓落成增加,樓價自然可回落。相反,延長SSD只會越幫越忙,令供應長期扭曲。CY唔該用腦諗吓全盤計劃,敷衍出幾招行貨,有如飲咳水醫頭痛,醫唔好之餘,更會有副作用。炒開股的我,相信的只有市場力量,What goes up must go down,政府唔該回歸市場經濟,讓市場自行調節,唔好再搞三搞四,玩死個市!魏力 http://www.facebook.com/2012jason

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載