› 選擇地區
三藩市
紐約
洛杉磯
其他美國地區
香港 台灣 北美
 
2012年09月10日

Keep住兄弟班 抵食箍客
美而廉重生搞得掂

老闆陳澤球留住員工的必殺技,就是信任。 梁鑑章攝

《企業求存》
經歷半個世紀的港式扒房餐廳「美而廉」,別了旺角老店,4月21日於大角嘴新店「重生」,復活後的美而廉繼續「平靚正」,生意額未受影響,錢照賺,夥記繼續追隨,更有三成舊客翻尋味,但老闆希望更多老主顧「返嚟」。 記者:周燕芬

相關新聞:成本趨貴 食材價漲 要格價講數

美而廉1963年起一直在洗衣街經營,為港人熟悉的港式扒房餐廳,現任老闆陳澤球20多年前入行,跟父親邊學邊做,並一直守着「平靚正」的經營策略,讓市民以廉宜價錢享用扒餐。「平靚正」策略必不愁客源,新店雖搬離旺角,但生意額未受影響,有三成舊客仔跟着「過檔」。
美而廉目前七、八成為新客,舊客跌至兩、三成。按常理,多了新客幫襯,老闆應該雀躍,但陳老闆就不想貪新忘舊,「每星期都接到兩至三個舊客仔打電話問地址,希望佢哋搵到(新地址)啦!」陳老闆希望舊客仔知道美而廉仍在,這間平民消費的港式扒房幸運地未成為港人的「集體回憶」。

唔怕請人難 最緊要信任

的確,今時今日做飲食業不易,租金、工資與食材樣樣貴。不過,陳老闆面對飲食業這「三大殺手」,仍可適者生存,首先美而廉解決了舖位問題,其次是「平靚正」這金漆「招牌」,更着力推出多款食品,拉上補下保着盈利。
至於飲食業界指為頭號敵人的最低工資,陳老闆說:「影響有限,我請到人。」原來留着員工的必殺技十分簡單,就是「信任」,大家兄弟班互相信任互相幫助,為美而廉散出濃濃的人情味。
阿生自92年起便跟着陳老闆打工,持續20年的賓主關係,阿生已取得老闆的高度信任。「佢出街買餸可以自己喺收銀機攞錢。」老闆娘陳太這樣介紹阿生。只要他攞錢後向老闆示意一下,老闆娘點個頭就可以,不會再逐張鈔票去點數。
有時老闆娘口渴走開飲水,阿生就會自動自覺走到收銀機處,協助老闆娘收錢,「大家都有默契,合作無間。」

相關新聞:四招迎戰 迎新環境 烏冬餐吸OL

員工做到熟 開心返轉頭

對於這次搬遷往新店,阿生表示:「差唔多,都係照咁做法,嗰邊(舊鋪)後生多啲,呢邊多家庭客、寫字樓客。」他一直忠誠跟着老闆,「佢(老闆)對我哋冇乜嘢……對我好似兄弟咁,有感情。」
美而廉有九名員工,當中廚房大佬自82年起工作至今達30年,水吧大佬亦由85年做起,樓面大佬阿生就由92年做起,與老闆陳澤球成了兄弟班。在這裏工作的員工與老闆都很長情,試過有兩名員工「出咗去第二間做,做咗一輪又返咗嚟」,到外面闖過比較過,始終都是舊老闆好。陳澤球說:「如果呢度做得唔愉快都唔會返轉頭!」
除了信任,原來美而廉每日經營時間為上午11時至晚上11時,「做足12小時已經好辛苦,拉到盡,大家都唔開心。」凡事不用去到盡,也許就是幫陳老闆留住夥計的秘訣。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載