› 選擇地區
三藩市
紐約
洛杉磯
其他美國地區
香港 台灣 北美
 
2012年09月10日

食客心聲
舊客照捧場 加價仍抵

熟客陳先生幫襯多年,坦言喜歡美而廉抵食兼服務態度好。

美而廉以貨真價實,大件夾抵食留住了一班舊客仔,街坊陳先生便是其中一個。

相關新聞:成本趨貴 食材價漲 要格價講數

有時食唔晒好浪費

陳先生幫襯美而廉已數十年,只是期間搬往大埔居住後曾經斷了一段時間,現在家住旺角,繼續成為美而廉新舖的常客。他表示一周約幫襯兩、三次,原因喜歡它「抵食,態度好,比較親切,唔似啲連鎖店」。價錢方面,他認為美而廉「雖然貴一、兩蚊,仍然係最抵食,因為份量最大、最多」,其他餐廳雖然收費較平,但「餸好少」。
對於美而廉的改善建議,他認為份量太多是它的優點亦是缺點。因為份量多「女人食唔晒,我太太就好少嚟……我有時都食唔晒,多得滯!」「現代人食唔到咁多……食唔晒好嘥,唔係錢嘅問題」「可以平少少,少啲份量。」現場另一街坊食客吃完午餐後,亦主動同老闆反映意見,希望啲餐味道唔好咁「鹹」。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載