› 選擇地區
三藩市
紐約
洛杉磯
其他美國地區
香港 台灣 北美
 
2012年09月13日

樂香園:名牌輪流轉 - 海迪

英國格仔名牌Burberry前日發盈警,嚇到其他名牌股有少少腳軟,香港上市嘅Prada(1913)兩日來都跌咗八個巴仙。雖然內地奢侈品市場放緩係不爭嘅事實,不過Burberry差成咁,實在係有自己獨特問題,因為上季出的產品唔夠多Logo同「Bling Bling」,內地豪客唔like。另一個原因係LV、Gucci同Burberry呢啲牌子,相對較早為內地人所認識,以消費周期嚟講,係時候會面臨樽頸,尤其當賣到一街都係、屋企個工人都用嘅時候,佢哋要諗吓計點樣再調整品牌路線。好似Burberry,最近就決定剔除某啲平價產品,例如大家最熟悉的某幾款格仔花紋手袋,而招牌的乾濕褸亦都要大幅加價。至於Prada情況如何?根據內地雜誌一啲消費者調查,被選為呢期最潮的品牌,除咗長期處於領導地位的法國Hermès同Chanel外,Prada亦榜上有名,似乎潮流大洗牌暫時未輪到佢。Prada今個月底公佈業績,根據之前快報數據,上半年盈利起碼有50%至60%增長,但都已經被首季的110%慢咗好多,下半年相信會繼續慢。海迪

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載