› 選擇地區
三藩市
紐約
洛杉磯
其他美國地區
香港 台灣 北美
 
2012年09月13日

中門大開:三流人 - 添馬男

無論歷練及能力均勝任局長的陸恭蕙,竟要做一條蛋散的副手。何家達攝

新一輪副局又上台,陸恭蕙肯屈就做副局,為乜?梗係睇後巿,四年後先真正上位。邱誠武本來諗住冇得撈,新局長張炳良乃資深政客,八十年代籌組論政團體匯點,以專業人士、學者為主,其後併入民主黨,跟住又走人,另立新力量網絡,維繫一班論政人士,作為張炳良的政治資本。以佢如此人脈及資歷,要搵副局政助,談何容易,但奇就奇在竟然搵上手副局邱誠武,而政助一職亦懸空。據聞張炳良也見梁政府唔係咁對路,費事將自己人送入去做炮灰,佢情願穩穩當當搵個舊電池,至少熟書,上立法會見傳媒都唔會震騰騰。大家對副局唔需要再抱任何期望,最好幾個已喺昨日公佈,之後只會有陣陣左味發出。公民黨蔡海偉、民主黨馮煒光及狄志遠被墮馬。

局長能力欠奉 AO怎服氣

好多人慨嘆香港政治人才貧乏,其實只係藉口。立法會本係培育政治人才之地,民主政制國家內閣成員,不少乃來自國會成員、智庫,陸恭蕙政治背景先至係正常,絕不會出現吳克儉及黃錦星一類無厘頭局長。亦因為六四立場,泛民資深議員無法出任局長,又將一批適合人選拒之門外,如民主黨李華明。政府因要扮中立,也不能大量引入建制派議員,結果只能夠搵一班冇政治背景之騎呢怪做局長。香港公務員一直有「崇優」傳統,千挑萬選,打生打死先入到去做AO,然後爭入財金庫務及外派ETO,爭取早日升首長級。眼見問責官員水平一蟹不如一蟹,凡事要AO服侍,冇政治及政策辯論能力,AO點會服呢班三流政治人才。在畸形政治體制下,越有政治歷練的人,越受到排斥,無論歷練及能力均勝任局長的陸恭蕙,要做一條蛋散、環保界Small Potato黃錦星副手,另一條蛋散梁粉陳謬波何德何能做發展局局長,佢嘅歷練比邱誠武更低。至於吳克儉,任何一位傳聞中之副局,如蔡海偉、鄺志堅、狄志遠也比佢強。正所謂一粒老鼠屎,搞臭一窩粥,特區政治,乃劣幣驅逐良幣之典範。添馬男

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載